សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្ត ឡិចសុីស RX300 ក្នុងល្បឿនលឿននិងមិនប្រយ័ត្នទាំងមេឃកំពុងភ្លៀងខ្លាំងបានជ្រុលទៅបុករបាំងថ្មពុះចែកទ្រូងផ្លូវពេញទំហឹងបណ្ដាលឲ្យរងការខូចខាតយ៉ាងដំណំ កាលពីវេលាម៉ោង៩ និង៥០នាទីយប់ថ្ងៃទី១៣ ខែវិច្ឆិកា ឆ្នាំ២០២១ នៅតាមបណ្ដោយវិថីព្រះសីហនុ កែងផ្លូវលេខ១១៣ ក្នុងសង្កាត់បឹងកេងកង២ ខណ្ឌបឹងកេងកង រាជធានីភ្នំពេញ ។
យោងតាមប្រភពព័ត៌មានពីកន្លែងកេីតហេតុបានឱ្យដឹងថា នៅពេលកេីតហេតុមេឃបានធ្លាក់ភ្លៀងជាខ្លាំង ខណៈពេលនោះក៏មានរថយន្តមួយគ្រឿងម៉ាក ឡិចសុីស RX300 ពណ៌ខ្មៅ ពាក់ស្លាកលេខភ្នំពេញ 2Q-5168 បើកតាមបណ្ដោយវិថីព្រះសីហនុពីលិចទៅកេីតក្នុងល្បឿនលឿន ហេីយបានជ្រុលចង្កូតទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឱ្យរបាំងថ្មបាក់អស់២កង់ ឯរថយន្តបង្ករងការខូចខាតផ្នែកខាងមុខយ៉ាងដំណំ ។
ក្រោយកេីតហេតុ គេឃេីញបុរសម្នាក់ដែលជាអ្នកបើកបរបានចុះពីលេីរថយន្តទាំងមិនមានរបួសអ្វីនោះទេ រួចហើយក៏ចាកចេញពីកន្លែងកេីតហេតុបាត់ស្រមោលទៅ ។ បន្ទាប់មកសមត្ថកិច្ចមូលដ្ឋានបានចុះមកដល់ និងទាក់ទងទៅជំនាញចរាចរណ៍ឱ្យមកធ្វេីការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយតាមច្បាប់ ៕
ដោយ ៖ ភារ៉ា ដង្កោ
