សារព័ត៌មាន នគរវត្ត តែងតែនាំមុខគេជានិច្ច
ខ្សែការពារ Benjamin Mendy របស់ក្រុម Manchester City ត្រូវបានចោទប្រកាន់ពីបទរំលោភសេពសន្ថវៈចំនួន២បន្ថែមទៀត។ កីឡាករMendy មកពីទីក្រុង Prestbury ត្រូវបានកោះហៅឱ្យបង្ហាញខ្លួននៅតុលាការ Stockport Magistrates កាលពីថ្ងៃពុធ។
កីឡាករបាល់ទាត់អាយុ២៧ឆ្នាំដែលនៅតែស្ថិតក្នុងការឃុំឃាំង ឥឡូវនេះកំពុងប្រឈមមុខនឹងការចាប់រំលោភចំនួន៦ករណី និង១ករណីជាបទរំលោភផ្លូវភេទ។
ការចោទប្រកាន់ពាក់ព័ន្ធនឹងអ្នកតវ៉ាចំនួន៤នាក់ដែលមានអាយុលើសពី១៦ឆ្នាំ ហើយត្រូវបានចោទប្រកាន់ថា បានធ្វើឡើងនៅចន្លោះខែតុលា ឆ្នាំ២០២០ ដល់ខែសីហា ឆ្នាំ២០២១។
កីឡាករអន្តរជាតិបារាំងរូបនេះបានលេងឱ្យក្រុមជើងឯក Premier League ក្រុម Manchester City រដូវកាលមុនចាប់តាំងពីឆ្នាំ២០១៧ នៅពេលដែលគាត់បានចូលរួមពីក្រុម Monaco ក្នុងតម្លៃ៥២លានផោន។ គាត់ត្រូវបានក្លិបព្យួរការងារបន្ទាប់ពីត្រូវប៉ូលិសចោទប្រកាន់ដោយរង់ចាំការស៊ើបអង្កេត។
កីឡាករ Louis Saha Matturie ពីមុនក៏ត្រូវបានចោទប្រកាន់ពីបទរំលោភសេពសន្ថវៈចំនួន៤ករណីទាក់ទងនឹងការវាយប្រហារដែលត្រូវបានចោទប្រកាន់នៅចន្លោះខែមីនា ឆ្នាំ២០២១ និងខែសីហា ឆ្នាំ២០២១ផងដែរ ។
បុរសអាយុ៤០ឆ្នាំមកពី Eccles ក៏ត្រូវបានចោទប្រកាន់ពីបទរំលោភសេពសន្ថវៈ២ករណីបន្ថែម និងមួយករណីរំលោភផ្លូវភេទ ហើយត្រូវបានកោះហៅឱ្យចូលខ្លួននៅតុលាការ។ អ្នកទាំងពីរត្រូវកាត់ទោសនៅថ្ងៃទី២៤ ខែមករា ឆ្នាំ២០២២ខាងមុខនេះ ៕
ដោយ៖ ភារៈ(រូបភាព ៖ BBC Sport)
