សារព័ត៌មាន នគរវត្ត តែងតែនាំមុខគេជានិច្ច
ក្លិបនៅ Premier League ហង្សក្រហម Liverpool បានប្រកាសថា Curtis Jones នឹងស្ថិតនៅក្នុងការតាមដានដោយសារតែរបួសភ្នែកដ៏គួរឱ្យភ័យខ្លាចដែលខ្សែបម្រើត្រូវបានព្យាបាលមុនពេលសម្រាកអន្តរជាតិ។
កីឡាករវ័យ២០ឆ្នាំដែលបានរងរបួសក្នុងការប៉ះទង្គិចក្នុងពេលហ្វឹកហាត់បានខកខានក្នុងការឈ្នះការប្រកួត Champions League ក្នុងខែនេះទល់នឹងក្រុម Atletico Madrid និងការប្រកួតនៅ Premier League ចាញ់ West Ham United។
វេជ្ជបណ្ឌិត Jim Moxon របស់ក្លិបបាននិយាយថា “វាជារបួសដ៏គួរឱ្យភ្ញាក់ផ្អើល និងសំណាងណាស់ ប៉ុន្តែអ្វីដែលសំខាន់ដែលត្រូវបញ្ជាក់គឺមិនមានការខូចខាតយូរអង្វែងទេ ហើយចក្ខុវិស័យរបស់គាត់នឹងមិនត្រូវបានប៉ះពាល់លើសពីរយៈពេលនៃការជាសះស្បើយនោះទេ”។
លោកបន្តថា “ទោះជាយ៉ាងនេះក្តី ធម្មជាតិនៃបញ្ហាមានន័យថា ការប្រុងប្រយ័ត្នគឺជារឿងសំខាន់ យើងត្រូវទុកពេលឱ្យជាសះស្បើយ ហើយយើងមិនអាចប្រញាប់ប្រញាល់ពេកនោះទេ ដូច្នេះកីឡាកររូបនេះនឹងមិនត្រឡប់មកវិញលឿននោះទេ”។
ក្រុម Liverpool ដែលឈរលេខ៤ក្នុងតារាង Premier Lague មាន២២ពិន្ទុពីការប្រកួត១១លើកនឹងធ្វើជាម្ចាស់ផ្ទះទទួលក្រុមលេខ៥ កាំភ្លើងធំArsenal នៅថ្ងៃសៅរ៍នេះ ៕
ដោយ៖ ភារៈ(រូបភាព ៖ CNA)
