សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់បានចូលទៅកន្លែងម៉ាស្សាមួយកន្លែងស្ថិតនៅភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ ដេីម្បីឱ្យនារីម៉ាស្សាឱ្យខណៈរួចរាល់ហេីយចេញមកវិញក៏ធ្វេីសកម្មភាពលួចយកកាបូបស្ពាយពីនារីម៉ាស្សាហេីយព្យាយាមជិះម៉ូតូគេចខ្លួនតែត្រូវជនរងគ្រោះឃេីញទាន់ស្រែកថាចោរៗបង្កការភ្ញាក់ផ្អេីលដល់កម្លាំងសមត្ថកិច្ចកំពុងល្បាតក៏ឃាត់ខ្លួនបានភ្លាមៗ កាលពីវេលាម៉ោង១០និង៣០នាទីព្រឹក ថ្ងៃទី២៨ ខែវិច្ឆិកា ឆ្នាំ២០២១ ចំណុចស្ពានអាកាសចោមចៅ ភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យឈ្មោះ សុង តិច ភេទប្រុសអាយុ៤០ឆ្នាំ មុខរបរនិងស្នាក់នៅមិនពិតប្រាកដ។
ជនរងគ្រោះឈ្មោះ កយ វិវត្ត (ភេទទី៣)មុខរបរម៉ាស្សាកោសជប់ស្នាក់នៅទីតាំងកន្លែងកេីតហេតុ។
តាមសម្តីជនរងគ្រោះបានឱ្យដឹងថា មុនពេលកេីតហេតុរូបគាត់បានអង្គុយនៅលេីគ្រែដេីម្បីរង់ចាំម៉ូយ បន្ទាប់មកជនសង្ស័យក៏បានជិះម៉ូតូម៉ាកហុងដាឌ្រីមសង់ ពណ៌ខ្មៅ ពាក់ស្លាកលេខភ្នំពេញ1GQ. 2181 មកដេីម្បីឱ្យរូបគាត់ម៉ាស្សាកោសជប់ឱ្យ។
ជនរងគ្រោះបន្តថា ក្រោយពីកោសជប់រួចជនសង្ស័យក៏បានឱ្យរូបគាត់ចូលបន្ទប់ទឹកដេីម្បីប្តូរសម្លៀកបំពាក់ដោយទុកកាបូបលុយមានទាំងទូរស័ព្ទនៅលេីគ្រែ ពេលរូបគាត់ចូលទៅបាត់ជនសង្ស័យឃេីញឱកាសល្អក៏យកកាបូបឡេីងជិះម៉ូតូចេញទៅតែរូបគាត់ឃេីញទាន់ក៏ស្រែកថាចោរៗ ស្របពេលកម្លាំងសមត្ថកិច្ចកំពុងល្បាតតាមផ្លូវក៏ដេញឃាត់ខ្លួនបានភ្លាមៗតែម្តង។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យចាត់ការតាមនីតិវិធី៕
ដោយ៖សុខា សែនជ័យ
