សារព័ត៌មាន នគរវត្ត តែងតែនាំមុខគេជានិច្ច
ការប្រកួតក្របខ័ណ្ឌ Champions League របស់ Manchester United ទល់នឹងក្រុមស្វីស Young Boys នៅកីឡដ្ឋាន Old Trafford នៅថ្ងៃទី៨ខែធ្នូខាងមុខ អាចត្រូវបានផ្លាស់ប្តូរដោយសារតែការរឹតបន្តឹងករណីឆ្លងជំងឺCovid-19 ។
ការព្រួយបារម្ភនេះដោយសារតែមានការរីករាលដាលវីរុសប្រភេទថ្មី Omicron មានន័យថា អ្នកណាម្នាក់ដែលចូលប្រទេសស្វីសពីចក្រភពអង់គ្លេសត្រូវនៅដាច់ដោយឡែករយៈពេល១០ថ្ងៃ។ ស្ថាប័នគ្រប់គ្រង UEFA កំពុងស្វែងរកការបំភ្លឺអំពីថា តើវានឹងអនុវត្តចំពោះក្រុម Young Boys ដែរឬទេ? ប្រសិនបើដូច្នេះមែននោះ ច្បាប់របស់ UEFA ចែងថា ទីកន្លែងអព្យាក្រឹត(ទឹកដីកណ្តាល) គួរតែត្រូវបានរកឃើញ ទោះបីជាការប្រកួតអាចត្រូវបានផ្លាស់ប្តូរទៅកាលបរិច្ឆេទផ្សេងក៏ដោយ។
ក្រុមបិសាចក្រហម Man United មានលក្ខណៈសម្បត្តិគ្រប់គ្រាន់កក់កៅអីទៅវគ្គ១៦ក្រុមក្នុងពូល F រួចហើយ ប៉ុន្តែក្រុម Young Boys នៅតែអាចទទួលបានកៅអីមួយក្នុង Europa League ប្រសិនបើពួកគេទទួលជ័យជម្នះលើក្រុម Man United។ ប្រសិនបើការប្រកួតនេះត្រូវបានផ្លាស់ប្តូរ វានឹងត្រូវចំណាយប្រាក់រាប់លានផោនរបស់ក្រុម Man United នៅក្នុងវិក័យប័ត្រដែលបាត់បង់។
ប្រទេសស្វីសស្ថិតក្នុងចំណោមប្រទេសមួយចំនួននៅអឺរ៉ុបដែលដាក់កំហិតឡើងវិញនូវវិធានការការពារការឆ្លង Covid-19 ចំពេលមានការកើនឡើងនៃករណីនៅទូទាំងទ្វីប ដោយព្រឹត្តិការណ៍កីឡាក៏រងផលប៉ះពាល់ផងដែរ។
ការប្រកួត Europa League របស់ក្រុម West Ham ទល់នឹង Rapid Vienna ក្នុងប្រទេសអូទ្រីសកាលពីសប្តាហ៍មុនត្រូវបានលេងដោយបិទទ្វារដែលជាផ្នែកមួយនៃការចាក់សោជាតិថ្មី ខណៈដែលការប្រកួតទាំងអស់នៅក្នុងប្រទេសហូឡង់កំពុងត្រូវបានលេងដោយគ្មានអ្នកគាំទ្រកាលពីដើមខែវិច្ឆិកា។ ទន្ទឹមនឹងនេះការប្រកួតរបស់ Bayern Munich នៅផ្ទះ Barcelona ក្នុងការប្រកួត Champions League នៅថ្ងៃទី៨ ខែធ្នូ អាចនឹងត្រូវលេងដោយបិទទ្វារផងដែរ។
លោក Markus Soder រដ្ឋមន្ត្រីក្រុង Bavaria ដែលជាទឹកដីក្រុម Bayern Munich បាននិយាយថាលោកមានគម្រោងរារាំងអ្នកគាំទ្រពីការចូលរួមក្នុងព្រឹត្តិការណ៍កីឡាក្នុងរដ្ឋអាល្លឺម៉ង់ ដោយសារតែការកើនឡើងនៃការឆ្លងវីរុសនេះ ទោះបីជាលោកមិនបានផ្តល់ពេលវេលាសម្រាប់ការនាំយកវិធានការបែបនេះក៏ដោយ។
Bayern Munich បានកក់កៅអីឡើងទៅវគ្គបន្តក្នុងនាមជាក្រុមឈ្នះក្នុងពូល E ខណៈ Barcelona និង Benfica ត្រូវប្រជែងយកកៅអីទៅវគ្គបន្ត១៦ក្រុមចុងក្រោយផងដែរ៕
ដោយ៖ ភារៈ(រូបភាព ៖ BBC Sport)
