សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធក្លិប AC Milan កីឡាករ Zlatan Ibrahimovic បាននិយាយថា គាត់ចង់បន្តនៅក្លិប Serie A មួយនេះពេញមួយអាជីពរបស់គាត់ ដោយសារភាពថា គាត់ភ័យខ្លាចក្នុងការបញ្ឈប់ការលេងដោយសារតែភាពមិនប្រាកដប្រជាអំពីអ្វីដែលកើតឡើងបន្ទាប់ពីការចូលនិវត្តន៍។
កិច្ចសន្យាបច្ចុប្បន្នរបស់កីឡាករសញ្ជាតិស៊ុយអែតវ័យ៤០ឆ្នាំនឹងផុតកំណត់នៅចុងបញ្ចប់នៃរដូវកាលនេះ ប៉ុន្តែ Ibrahimovic មិនទាន់មានគម្រោងព្យួរស្បែកជើងរបស់គាត់នៅឡើយទេ។
Ibrahimovic បាននិយាយថា “ខ្ញុំចង់លេងឱ្យបានយូរតាមដែលអាចធ្វើទៅបាន។ ដរាបណាខ្ញុំមានលទ្ធភាព នោះខ្ញុំនឹងបន្តលេង។
ខ្ញុំសង្ឃឹមថានឹងបន្តនៅ AC Milan អស់មួយជីវិត។ ខ្ញុំនៅតែមានគោលបំណងដែលខ្ញុំអាចសម្រេចបាន ហើយខ្ញុំចង់ឈ្នះពានរង្វាន់ផ្សេងទៀត។ ខ្ញុំមិនដឹងថានឹងមានអ្វីកើតឡើងបន្ទាប់ពីបាល់ទាត់ទេ ដូច្នេះខ្ញុំខ្លាចបន្តិចក្នុងការបញ្ឈប់។ យើងនឹងឃើញ ប៉ុន្តែខ្ញុំចង់បន្តលេងដើម្បីកុំឱ្យមានការសោកស្តាយអ្វីឡើយ” ។
Ibrahimovic បានស្ថិតនៅកៅអីបម្រុង ខណៈដែលក្រុម AC Milan បានយកឈ្នះលើក្រុមបាតតារាង Salernitana ក្នុងលទ្ធផល ២-០ កាលពីថ្ងៃសៅរ៍កន្លងទៅ ដើម្បីរំកិលមួយពិន្ទុដាច់នៅលើកំពូលតារាងនៃក្របខ័ណ្ឌ Serie A ។
ក្រុមរបស់លោក Stefano Pioli បានធ្វើជាម្ចាស់ផ្ទះទទួលក្រុម Liverpool ក្នុងក្របខ័ណ្ឌ Champions League កាលពីថ្ងៃអង្គារ បានចាញ់ក្រុមហង្សក្រហម Liverpool ក្នុងលទ្ធផល២ទល់១ដែលធ្វើឲ្យក្រុមនេះបាត់បង់ឱកាសឡើទៅវគ្គ១៦ក្រុមចុងក្រោយ៕
ដោយ៖ ភារៈ(រូបភាព ៖ Reuters)
