សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្តក្រឡុកសុីម៉ងត៍មួយគ្រឿងមិនប្រយ័ត្ន បានជ្រុលទៅបុករថយន្ត toyota prius មួយគ្រឿងទៀតចំពីចំហៀងពេញទំហឹងបណ្ដាលឲ្យរងការខូចខាតយ៉ាងដំណំ តែមិនធ្វេីឲ្យមនុស្សរងរបួសនោះទេ ។
ហេតុការណ៍គ្រោះថ្នាក់ចរាចរណ៍ខាងលេីនេះបានកេីតឡេីងកាលពីវេលាម៉ោង១១ និង២០នាទីយប់ ថ្ងៃទី៩ ខែធ្នូ ឆ្នាំ២០២១ នៅចំណុចមុខវត្តស្ទឹងមានជ័យ តាមបណ្ដោយផ្លូវព្រះមុន្នីរ៉េត ក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
តាមប្រភពព័ត៌មានពីប្រជាពលរដ្ឋដែលនៅក្បែរកន្លែងកេីតហេតុបានឲ្យដឹងថា មុនកេីតហេតុ គេឃេីញនារីម្នាក់បេីករថយន្តម៉ាក toyota prius ពណ៌ទឹកប្រាក់ ពាក់ស្លាកលេខភ្នំពេញ 2BJ-1165 បានធ្វេីដំណេីរចេញពីស្ពានអាកាសស្ទឹងមានជ័យ ឆ្ពោះឡេីងទៅផ្លូវព្រះមុន្នីរ៉េត ខណៈមកដល់ចំណុចកេីតហេតុក៏មានរថយន្តក្រឡុកសុីម៉ងត៍ ពណ៌ខៀវ ពាក់ស្លាកលេខភ្នំពេញ 5A-0020 បេីកបរដោយបុរសម្នាក់ស្របទិសគ្នាបានរេចង្កូតទៅបុករថយន្ត Prius ពីចំហៀងពេញទំហឹងធ្វេីឲ្យរថយន្ត prius វិលក្បាលត្រឡប់ក្រោយរងការខូចខាតយ៉ាងដំណំ និងសំណាងដែរមិនធ្វេីឲ្យម្ចាស់រថយន្តទាំងពីរ ឬអ្នកណាម្នាក់រងរបួសឡេីយ ។
ក្រោយកេីតហេតុ ភាគីរថយន្តបង្កក្រឡុកសុីម៉ងត៍បានសួរនាំភាគីរថយន្តរងគ្រោះបន្តិចបន្តួចក៏បេីកទៅមុខទាំងមិនចង់ទទួលខុសត្រូវ ធ្វេីឲ្យភាគីរថយន្តរងគ្រោះឲ្យមិត្តភក្តិបេីករថយន្តផ្សេងទៀតដេញតាមឃាត់ជាប់នៅត្រង់ច្រមុះជ្រូកស្ទឹងមានជ័យ ដេីម្បីឲ្យតៃកុងរថយន្តបង្កចុះដោះស្រាយតាមនីតិវិធី ដោយមានសមត្ថកិច្ចមូលដ្ឋានចុះទៅសម្របសម្រួលផងដែរ ៕
ដោយ៖ភារ៉ា ដង្កោ
