សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ លោកវរសេនីយ៍ឯក ប៉ាក ជាតិ ប្រធានគណៈកម្មាធិការ ស.អ.ក ស្រុកស្រីសន្ធរ និងសមាជិកសមាជិកាពាក់ព័ន្ធ តំណាងឱ្យលោកឧត្តមសេនីយ៍ទោ ឯម កុសល ប្រធានគណ:កម្មាធិការ ស.អ.ក ខេត្តកំពង់ចាមបាននាំយកថវិកាបេឡាមរណៈសង្គ្រោះជូនដល់គ្រួសារសពអតីតយុទ្ធ២គ្រួសារ ធ្វើឡើងនៅថ្ងៃទី០៩ ខែធ្នូ ឆ្នាំ២០២១ ។
គ្រួសារទី១ សពឈ្មោះ ពេញ ពឿន ភេទប្រុស អាយុ៥២ឆ្នាំ មុខសញ្ញាជនពិការ (យោធា) អត្តលេខ HA97000272 នៅភូមិផ្ទះកណ្តាលលើ ឃុំផ្ទះកណ្តាល ស្រុកស្រីសន្ធរ ខេត្តកំពង់ចាម ថវិកាចំនួន៤,០០០,០០០៛ (បួនលានរៀល) ។
គ្រួសារទី២ សមាជិកអតីតយុទ្ឋជនកម្ពុជា ទទួលមរណ:ភាព នៅស្រុកកំពង់សៀមឈ្មោះ អ៊ិច សួសសតវត្ស ភេទប្រុស អាយុ៦៥ឆ្នាំ មុខសញ្ញានិវត្តន៍ជន (នគរបាល) អត្តលេខ: RB02000066 ។ ទីលំនៅបច្ចុប្បន្ននៅភូមិព្រៃចក្រី ឃុំអូរស្វាយ ស្រុកកំពង់សៀម ខេត្តកំពង់ចាម បានទទួលមរណ:ភាពដោយរោគាពាធ នៅគេហដ្ឋានសព ភូមិ-ឃុំខាងលើ។
ពេលនេះខាងស្ថាប័នពាក់ព័ន្ធកំពុងរៀបចំឯកសារ ដើម្បីបើកប្រាក់បេឡាមរណៈសង្រ្គោះផ្ដល់ ជូនគ្រួសារសព ៕
ដោយ ៖ វណ្ណៈ
