សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ : លោកស្រីវេជ្ជបណ្ឌិត យក់ សម្បត្តិ រដ្ឋលេខាធិការ ក្រសួងសុខាភិបាល បានគូសបញ្ជាក់ថា ដោយមាន ការណែនាំដ៏ខ្ពង់ខ្ពស់ពីសំណាក់ សម្តេចតេជោ ហ៊ុនសែន ប្រមុខរាជរដ្ឋាភិបាលកម្ពុជា កុមារតូចៗដែលមានអាយុ ០៣ឆ្នាំ និង០៤ឆ្នាំ អាចនឹងទទួលបានការអនុញ្ញាតឱ្យចាក់ វ៉ាក់សាំងបង្ការជំងឺកូវីដ-១៩ ក្នុងពេលឆាប់ៗ ខាងមុខនេះ។សូមបញ្ជាក់ថា, លោកស្រីវេជ្ជបណ្ឌិត យក់ សម្បត្តិ បានថ្លែងដូច្នេះ ក្នុងឱកាស អញ្ជើញទទួលការមកដល់នូវវ៉ាក់សាំងប្រភេទ អាស្ត្រា ហ្សេនេកា (AstraZeneca) ចំនួន ២៩០ ៤០០ដូស ដែលជាជំនួយរបស់រាជរដ្ឋាភិបាល នៃប្រទេសហូឡង់ តាមរយៈយន្តការលកូវ៉ាក់ (Covax Facility) នា ព្រឹកថ្ងៃទី១០ ខែធ្នូ ឆ្នាំ២០២១ នៅអាកាសយានដ្ឋានអន្តរជាតិភ្នំពេញ។
លោកស្រី បានគូសបញ្ជាក់បន្ថែមថា ៖ “ក្រុមហ៊ុនស៊ី ណូវ៉ាក់ បានបញ្ជាក់រួចហើយពីប្រសិទ្ធភាព និង សុវត្ថិភាព ហើយប្រទេសចិននៅពេលនេះបាននិង កំពុងចាក់វ៉ាក់សាំងស៊ីណូវ៉ាក់ជូនដល់កុមារដែលមាន អាយុ៣ឆ្នាំឡើងរួចហើយដែរ។ សម្តេចតេជោ ហ៊ុន សែន ក៏បានណែនាំដល់ក្រសួងសុខាភិបាល ក៏ដូចជា គ.វ.ក១៩ ត្រូវពិនិត្យ និងសិក្សាពីលទ្ធភាពក្នុងការចាក់ វ៉ាក់សាំងបង្ការជំងឺកូវីដ-១៩ ជូនដល់កុមារតូចៗ ទាំងនេះ ដែលនឹងអាចឱ្យកុមារតូចៗ អាចចូលរៀន បាន រួមជាមួយនឹងសុវត្ថិភាពរបស់កុមារតូចៗទាំងនោះ ផងដែរ”។
សូមជម្រាបថា, រហូតដល់ ថ្ងៃទី ១០ ខែ ធ្នូ ឆ្នាំ២០២១ កម្ពុជាយេីងរកឃេីញករណីជំងឺកូវីដ-១៩ សរុបចំនួន ១៥នាក់ (ឆ្លងសហគមន៌: ១៤ និង នាំចូល: ១នាក់) និងមានជាសះស្បេីយ ១២នាក់ ។ ដូច្នេះចំនួនករណីជំងឺកូវីដ-១៩សរុបកេីន ១២០៣២៧នាក់ និងចំនួនជាសះស្បេីយសរុបកេីន ១១៦៦៨០ នាក់ និង ស្លាប់ថ្មី ៤នាក់ (មិនបានចាក់វ៉ាក់សាំង ៣នាក់) សរុបស្លាប់ ២៩៧៨នាក់ ។ សូមបន្តអនុវត្តន៌: ៣កុំ ៣ការពារ និងទោះបានចាក់វ៉ាក់សាំងគ្រប់ដូសឬដូសជំរុញក៏ដោយ ។
សូមបញ្ជាក់ថា ប្រទេសយេីងរកឃេីញករណីជំងឺកូវីដ-១៩ដំបូងបំផុតនៅថ្ងៃទី ២៧ មករា ២០២០ ។
យេីងបានធ្វេីតេស្តចំនួន 2735282 ស្មេីនឹង 161851 ក្នុង១លាន នាក់ ។
ពត៌មានបន្ថែមសូមទាក់ទងលេខ 115។
ចំពោះ កំណេីនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី០៩ ខែឆ្នូ ឆ្នាំ២០២១
-លើប្រជាជនអាយុពី ១៨ឆ្នាំឡើង មាន ១០១,១៥% ធៀបជាមួយចំនួនប្រជាជនគោលដៅ ១០លាននាក់
-លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៩៨,៨៨% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់
-លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៤,៧៧% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់
-លើកុមារអាយុ ០៥ឆ្នាំ មាន ៩៣,៤៨% ធៀបជាមួយនឹងប្រជាជនគោលដៅ ៣០៤,៣១៧ នាក់
-លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាននាក់ មាន ៨៨,៧២% ៕
ដោយ៖សុខ ខេមរា
