សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់ ៖ បុរសម្នាក់បានស្លាប់យ៉ាងរន្ធត់ នៅគ្រាដែលបុរសរូបនេះអូសខ្សែភ្លើងចេញពីផ្ទះ ក្នុងគោលបំណងឆក់ត្រីនៅវាលស្រែផ្នែកខាងក្រោយផ្ទះ ប៉ុន្តែជាអកុសលភ្លាត់ស្នៀតឆ្លងចរន្តអគ្គិសនីឆក់ខ្លួន ។
ករណីឆ្លងចរន្តអគ្គិសនីបណ្ដាលឲ្យឆក់ស្លាប់ខាងលើ បានកើតឡើងនារសៀលថ្ងៃសុក្រ ៦កើត ខែមិគសិរ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១០ ខែធ្នូ ឆ្នាំ២០២១ ត្រង់ចំណុចវាលស្រែខាងត្បូងផ្ទះ ស្ថិតនៅភូមិថ្នល់បំបែក សង្កាត់រលាប ក្រុង.ខេត្តពោធិ៍សាត់ ។
ប្រភពព័ត៌មានពីអាជ្ញាធរមានសមត្ថកិច្ចមូលដ្ឋានបានឲ្យដឹងថា ជនរងគ្រោះ(ស្លាប់)ឈ្មោះ ចន ប្រុស ភេទប្រុស អាយុ ៣២ឆ្នាំ ជនជាតិខ្មែរ បច្ចុប្បន្ន រស់នៅភូមិ.សង្កាត់កើតហេតុ ។
មូលហេតុ៖ ជនរងគ្រោះរាយខ្សែភ្លើងអូសចេញពីផ្ទះ ក្នុងគោលបំណងតបណ្ដាញអគ្គិសនី ដើម្បីឆក់ត្រីត្រង់ចំណុចកើតហេតុ ។ប្រភពដដែលបន្តទៀតថា ករណីនេះសមត្ថកិច្ចស្ថាប័នជំនាញពាក់ព័ន្ធសហការគ្នា ចុះពិនិត្យ និងធ្វើកាស្រាវជ្រាវដល់កន្លែងយ៉ាងយកចិត្តទុកដាក់ លទ្ធផលៈ សពពុំមានស្លាកស្នាមអ្វីគួរឲ្យកត់សំគាល់ ពាក់ព័ន្ធករណីផ្សេងៗនោះទេ សពបានប្រគល់ជូនសាច់ញាតិទទួលយកទៅចាត់ចែងធ្វើបុណ្យតាមប្រពៃណី ៕
ដោយ៖បុឹម ពិន
