ឆេះនាវាការពារបំពាក់កាំជ្រួចមីស៊ីលនាំផ្លូវនៅរុស្ស៊ី របួស៣នាក់

ចែករំលែក៖

អណ្តាតភ្លើងបានឆាបឆេះក្នុងបរិវេណប្រមាណ៨០០គីឡូម៉ែត្រ ធ្វើឲ្យបន្ទប់បើកបរ ទីបញ្ជាការ នៃនាវាអមការពារ Provorny រងការខូចខាតយ៉ាងខ្លាំង បណ្តាលឱ្យមនុស្ស៣នាក់រងរបួសធ្ងន់។
ក្រុមហ៊ុនផលិតនាវា USC របស់រុស្ស៊ីបានប្រកាសថា គ្រោះអគ្គិភ័យកើតឡើងនៅលើនាវា Provorny ស្ថិតនៅក្នុងគម្រោង ២០៣៨៥កំពុងតែផលិតនៅទីតាំង Severnaya Verfi ក្នុងទីក្រុង St Petersburg នាយប់ថ្ងៃទី១៧ខែធ្នូ (ពេលវេលានៅរុស្ស៊ី)។ ការឆាបឆេះនោះបណ្តាលឱ្យមនុស្ស៣នាក់រងរបួស។
អភិបាលក្រុង St.Petersburg លោក Alexander Beglov បានទៅកាន់ទីតាំងកើតហេតុបញ្ជាដោយផ្ទាល់ក្នុងការពន្លត់អគ្គិភ័យ ។ ក្នុងពេលជាមួយគ្នានេះដែរ ក្រុមហ៊ុនផលិតនាវានឹងបើកការស្រាវជ្រាវជាទ្រង់ទ្រាយធំទៅលើករណីឆាបឆេះខាងលើ។
នាវា Provorny គឺជាប្រភេទនាវាការពារ បំពាក់កាំជ្រួចមីស៊ីលនាំផ្លូវ ត្រូវបានផលិតឡើងសម្រាប់កម្លាំងទាហានជើងទឹករុស្ស៊ី។ នេះជានាវាទីពីរក្នុងគម្រោង ២០៣៨៥ ដែលនឹងត្រូវប្រគល់ឱ្យទាហានជើងទឹកនៅក្នុងឆ្នាំ២០២២។ នាវានេះក៏ជាទីបញ្ជាការកម្លាំងចម្រុះនៅភាគឦសាននៃប្រទេសរុស្ស៊ី ៕ ដោយ៖ធីរីណា