សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបែកក្បាលបាក់ជេីងស្លាប់គួរឲ្យអាណោចអធ័មនៅកន្លែងកើតហេតុ បន្ទាប់ពីបុរសរូបនោះជិះម៉ូតូចេញពីផ្ទះបងប្អូននៅម្ដុំបឹងត្របែកត្រឡប់ទៅកន្លែងស្នាក់នៅជិតផ្សារព្រែជ្រៃមិនទាន់ដល់កន្លែងស្នាក់នៅផងក៏ត្រូវរថយន្តប្រភេទបែនដឹកខ្សាច់បេីកបត់ឆ្វេងជ្រុលទៅបុកហើយ រត់គេចចូលការដ្ឋានបាត់ស្រមោល បង្កការភ្ញាក់ផ្អេីលនៅវេលាម៉ោង ៧យប់ ថ្ងៃទី១៩ ខែធ្នូ ឆ្នាំ២០២១ ជិតនិងបុរីប៉េងហួត ផ្លូវ៦០ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
សពជនងគ្រោះមានឈ្មោះ ប៊ុត សារ៉ាន ភេទប្រុស អាយុ២០ឆ្នាំ មុខរបរ ជាងដែក ស្នាក់នៅម្តុំស្ពានព្រែកជ្រៃ សង្កាត់ស្ពានថ្ម ខណ្ឌដង្កោ និងមានស្រុកកំណើត ភូមិស្រែស្រោមថ្មី ឃុំកំពាន់ ស្រុកមេមត់ ខេត្តត្បូងឃ្មុំ ។ ដោយជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខពោធិ៍សាត់1H-1870 ជាមធ្យោបាយធ្វើដំណើរ។
បេីតាមប្រភពព័ត៌មានបានឲ្យដឹងថា មុនពេលកេីតហេតុ ជនរងគ្រោះ បានជិះម៉ូតូហុងដាឌ្រីម ពណ៌ខ្មៅ ធ្វើដំណើរតាមផ្លូវ៦០ម៉ែត្រ ទិសដៅពីជេីងទៅត្បូង ក្នុងល្បឿនលឿនល្មម លុះមកដល់ចំណុចកេីតហេតុ ស្រាប់តែមានរថយន្តប្រភេទបែនដឹកខ្សាច់មិនស្គាល់ម៉ាកមួយគ្រឿង បានបេីកធ្វើដំណើរតាមផ្លូវ៦០ម៉ែត្រ ទិសដៅបញ្ច្រាសទិសគ្នា ហេីយបត់ឆ្វេងចូលទៅក្នុងការដ្ឋាន ក៏ជ្រុលទៅបុកនិងម៉ូតូ របស់ជនរងគ្រោះ លក្ខណៈបញ្ឆិតខាងឆ្វេង បណ្ដាលឲ្យម៉ូតូដួលអូសជិត៣០ម៉ែត្រ រងការខូចខាតមួយចំហៀង ព្រមទាំងធ្វេីឲ្យជនរងគ្រោះ បាក់ជេីងខាងឆ្វេង និងបោកក្បាលផ្កាប់មុខហូរឈាមពេញខ្លួនស្លាប់ យ៉ាងអាណោចអធ័មនៅកន្លែងកើតហេតុតែម្តង ។ ដោយឡែករថយន្តវិញនៅពេលបង្ករគ្រោះថ្នាក់ហើយ ក៏បានបេីករថយន្តចូលការដ្ឋានបាត់ស្រមោល ។
ក្រោយកើតហេតុ សមត្ថកិច្ចមូលដ្ឋានខណ្ឌ បានចុះធ្វេីការវាស់វែងយកម៉ូតូជនរងគ្រោះទៅរក្សាទុកនៅអធិការដ្ឋាននគរបាលខណ្ឌមានជ័យ រង់ចាំសាច់ញាតិយកឯកសារមកផ្ទៀតផ្ទាត់និងប្រគល់ជូនវិញ។ ចំណែកសពជនរងគ្រោះក្រោយពីសមត្ថកិច្ចធ្វើកំណត់ហេតុរួចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
ដោយ ៖ ភារ៉ា ដង្កោ
