សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (ស៉ីម៉ាក់) បានថ្លែងនៅលេីបណ្ដាញសង្គមហ្វេសប៊ុកផ្ទាល់ខ្លួន នៅព្រឹកថ្ងៃទី២៩ ខែធ្នូ ឆ្នាំ២០២១នេះថា៖ ថ្ងៃទី២៩ ខែធ្នូ ឆ្នាំ២០២១នេះ ជាថ្ងៃរំលឹកខួបទី២៣ឆ្នាំ (២៩ ធ្នូ ១៩៩៨-២៩ ធ្នូ ២០២១)នៃការបញ្ចប់សង្គ្រាមនៅកម្ពុជាក្រោមនយោបាយឈ្នះ-ឈ្នះ ដែលមានស្ថាបនិកអគ្គមគ្គុទេ្ទសក៏ឯកសន្តិភាពសម្តេចអគ្គមហាសេនាបតីតេជោ ហ៊ុន សែន និងប្រតិបត្តិករទាំងឡាយ!
សូមអរគុណសន្តិភាពនិងនយោបាយឈ្នះ-ឈ្នះ!
សូមគោរពដឹងគុណស្ថាបនិកមគ្គុទេ្ទសក៏ឯកសម្តេចតេជោនិងប្រតិបត្តិករនយោបាយឈ្នះ-ឈ្នះ បានបញ្ចប់សង្គ្រាមទាំងស្រុងនាំមកនូវសន្តិភាពនិងឯកភាពជាតិមួយពេញលេញសំរាប់ប្រជាជននិងព្រះរាជាណាចក្រកម្ពុជា ដែលមិនធ្លាប់មានក្នុងរយ:ពេលជាង៥០០ឆ្នាំចុងក្រោយនៃប្រវត្តិសាស្ត្ររបស់ខ្លួន!
ឆ្លៀតក្នុងឱកាសនេះ អគ្គនាយកស៊ីម៉ាក់រូបនេះ សូមបួងសួងឧទ្ទិសដល់វិញ្ញាណក្ខន្ធអតីត:យុទ្ធជន-យុទ្ធនារីដែលបានលះបង់ពលីជីវិតនិងជាពិសេសសូមវិញ្ញាណក្ខន្ធ លោកនាយឧត្តមសេនីយ៍ មល់ រឿប ដែលជាប្រតិបត្តិករសន្តិភាពដ៍សកម្មមួយរូប ក្នុងបុព្វហេតុសន្តិភាពនេះ បានទៅកាន់ឋានបរមសុខកុំបីឃ្លៀងឃ្លាតឡេីយ! ៕
ដោយ៖ស តារា
