សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បេីករថយន្តបែនដឹកដីលឿនមិនប្រយ័ត្នជ្រុលបុករថយន្តព្រូសពីក្រោយបណ្តាលឱ្យរងការខូចខាតយ៉ាងដំណំសំណាងមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង៣និង៤០នាទីរសៀលថ្ងៃទី៣០ ខែធ្នូឆ្នាំ២០២១ នៅតាមបណ្តោយមហាវិថីឈ្នះឈ្នះ ស្ថិតក្នុងភូមិសំរោង សង្កាត់សំរោងក្រោម ខណ្ឌពោធិ៍សែនជ័យ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តព្រូសពណ៌ទឹកប្រាក់ពាក់ស្លាកលេខភ្នំពេញ2BH 4903 ធ្វេីដំណេីរតាមបណ្តោយមហាវិថីឈ្នះឈ្នះក្នុងទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែមានរថយន្តបែនដឹកដី ពណ៌ស ពាក់ស្លាកលេខព្រះសីហនុ 3A 0915 ធ្វេីដំណេីរលឿនមកពីក្រោយជ្រុលបុកពេញទំហឹងបណ្តាលឱ្យរថយន្តព្រូសរងការខូចខាតផ្នែកខាងក្រោយយ៉ាងដំណំសំណាងមិនមានមនុស្សរងរបួស។
ក្រោយកេីតហេតុសមត្ថកិច្ចចុះមកដល់ចំណុចកេីតហេតុធ្វេីការសម្របសម្រួលតែមិនត្រូវរ៉ូវគ្នាក៏ទាក់ទងទៅជំនាញមកធ្វេីការវាស់វែងយកទៅរក្សាទុករង់ចាំដោះស្រាយពេលក្រោយ៕
ដោយ៖សុខា សែនជ័យ
