សារព័ត៌មាន នគរវត្ត តែងតែនាំមុខគេជានិច្ច
គ្រូបង្វឹកក្រុមតោខៀវ Chelsea លោក Thomas Tuchel បាននិយាយថា លោកនឹងពិភាក្សាជាមួយខ្សែប្រយុទ្ធ Romelu Lukaku នៅថ្ងៃចន្ទអំពីការវិលត្រឡប់មកកាន់ក្រុមវិញរបស់កីឡាកររូបនេះ។
ខ្សែប្រយុទ្ធរូបនេះត្រូវបានបង្ហាញខ្លួនសម្រាប់ការប្រកួតកាលពីថ្ងៃអាទិត្យជាមួយក្រុម Liverpool បន្ទាប់ពីការប្រកួតស្មើគ្នា២ទល់២ ដែលធ្វើឲ្យក្រុមទាំង២រក្សាគម្លាតពីក្រុមលេខ១ Man City រហូតដល់១០ពិន្ទុនៅលីគកំពូលអង់គ្លេស។
Lukaku បាននិយាយថា គាត់ មិនសប្បាយចិត្ត ជាមួយនឹងតួនាទីតូចមួយរបស់គាត់នៅក្រោមការដឹកនាំរបស់លោក Tuchel នៅដើមរដូវកាលនេះ។ ចំណែកលោក Tuchel បាននិយាយដែរថា “ថ្ងៃនេះមានការប្រជុំមួយ ហើយយើងនឹងសម្រេចចិត្ត។ ថ្ងៃចន្ទ យើងពិភាក្សា ហើយយើងទាំងអស់គ្នាជួបគ្នា ហើយយើងនឹងធ្វើការសម្រេចចិត្ត”។
Lukaku ក៏ធ្លាប់និយាយដែរថា គាត់ចង់ត្រឡប់ទៅ Inter Milan វិញនៅពេលខាងមុខ។ មុនពេលការប្រកួតថ្ងៃអាទិត្យ លោក Tuchel បាននិយាយថា កីឡាករវ័យ២៨ឆ្នាំរូបនេះបានចាកចេញពីជម្រើស១១នាក់ដំបូង ដែលធ្វើឲ្យ Chelsea ប្រកួតជាមួយក្រុមស្មើជាមួយ Liverpool ទទួលបាន១ពិន្ទុនៅ Premier League ។
Lukaku បានស៊ុតបញ្ចូលទីបាន៧គ្រាប់ក្នុងការបង្ហាញខ្លួន១៨ប្រកួតចាប់តាំងពីគាត់បានចូលរួមជាមួយ Chelsea ពីម្ចាស់ជើងឯកអុីតាលី Inter Milan ក្នុងតម្លៃ៩៧.៥លានផោនក្នុងរដូវក្តៅ។ គាត់ក៏ត្រូវបានញុំាញីដោយរបួស និងជំងឺ ហើយជួនកាលបានរកឃើញថាខ្លួនគាត់ត្រូវបានចាកចេញពីក្រុមជម្រើសដំបូង បើទោះបីជាមានភាពសមស្របក៏ដោយ។
ទោះជាយ៉ាងណាក៏ដោយ ខ្សែប្រយុទ្ធរូបនេះមានទម្រង់លេងកើនឡើងនាពេលថ្មីៗនេះ ដោយបានស៊ុតបញ្ចូលទីក្នុងការបង្ហាញខ្លួននៅ Premier League ២លើកចុងក្រោយរបស់គាត់ បន្ទាប់ពីពិភាក្សាអំពីតួនាទីរបស់គាត់ជាមួយលោក Tuchel ផងដែរ។
គួរបញ្ជាក់ថា ក្រុមតោខៀវ Chelsea បានប្រកួតស្មើជាមួយក្រុមភ្ញៀវហង្សក្រហម Liverpool ក្នុងលទ្ធផល២ទល់២។ ២គ្រាប់របស់ក្រុមភ្ញៀវបានធ្វើការនាំមុខមុននៅតង់ទី១ ដែលគ្រាប់ទី១រកបានដោយកីឡាករ SadioMane នៅនាទីទី៩ និងគ្រាប់ទី២រកបានដោយខ្សែប្រយុទ្ធ Mohamed Salah នៅនាទីទី២៩។ ចំណែកក្រុមម្ចាស់ផ្ទះតោខៀវ Chelsea រកបាន២គ្រាប់តាមស្មើវិញនៅតង់ទី១ដែរគឺនៅនាទីទី៤២ ដោយកីឡាករ Mateo Kovacic និងនៅនាទីទី៤៥+១ ដោយកីឡាករ Christian Pulisic។
លទ្ធផលនេះធ្វើឲ្យក្រុមតោខៀវ Chelsea បន្តឈរលេខ២ មាន៤៣ពិន្ទុ ក្នុង២១ប្រកួត ខណៈដែលក្រុមហង្សក្រហម Liverpool ឈរចំណាត់ថ្នាក់លេខ៣ មាន៤២ពិន្ទុ ក្នុង២០ប្រកួត ដែលធ្វើឲ្យក្រុមតោខៀវចាញ់ពិន្ទុក្រុមលេខ១ Man City រហូតដល់១០ពិន្ទុក្នុងការប្រកួត២១ប្រកួតដូចគ្នា ៕
ដោយ៖ ភារៈ(រូបភាព ៖ BBC Sport)
