សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ កម្លាំងអធិការដ្ឋាននគរបាលស្រុកកំពង់លែង និងស្រុករលាប្អៀរ កាលពីរសៀលថ្ងៃពុធ ទី០៥ ខែមករា ឆ្នាំ២០២២ បានសហការគ្នាជាមួយ កម្លាំងមជ្ឈមណ្ឌលកំចាត់មីនស៊ីម៉ាក់ CMAC បានចុះយកកាំភ្លើង ចាស់ៗចំនួន១១ដើម និងគ្រាប់រំសេវចាស់ៗមិនទាន់ផ្ទុះ ចំនួន០១គ្រាប់ ដែលអាវុធយុទ្ឌភ័ណ្ឌទាំងនេះបន្សល់ទុកកាលពីសម័យសង្រ្គាម។
មន្រ្តីអង្គការស៊ីម៉ាក់បានឲ្យដឹងថា ការប្រមូលអាវុធយុទ្ធភ័ណ្ឌនិងគ្រាប់រំសេវមិនទាន់ផ្ទុះនេះ គឺបានមកពីប្រជាពលរដ្ឋល្អប្រទះឃើញកប់ក្នុងដីឬនៅកម្ពោតព្រៃរួចមិនហ៊ានប៉ះពាល់ក៏រាយការណ៍ប្រាប់សមត្ថកិច្ចមូលដ្ឋានទៅបោះស្លាកសញ្ញាសម្គាល់គ្រោះថ្នាក់កុំឲ្យមនុស្សឬសត្វចូលទៅជិតនិងបានរាយការណ៍ទៅអង្គភាពកំចាត់មីនស៊ីម៉ាក់មកយកតាមលក្ខណ:បច្ចេកទេសដើម្បីរក្សាទុកកន្លែងមានសុវត្ថិភាពនិងរង់ចាំកម្ទេចចោលនៅពេលក្រោយ។
ប្រភពដដែលបានឲ្យដឹងទៀតថា ការចុះទៅយកអាវុធយុទ្ធភ័ណ្ឌនិងគ្រាប់រំសេវមិនទាន់ផ្ទុះនាពេលនោះមាននៅស្រុកកំពង់លែងអាវុធ ចំនួន១១ដើមក្នុងនោះមាន៖
១. កាំភ្លើងត្បាល់ប្រភេទ ៦០ម.ម ចំនួន១ដើម។
២. កាំភ្លើង ធុនM៧៩ ផលិតនៅសហរដ្ឋអាមេរិកចំនួន៦ដើម។
៣. កាំភ្លើង ធុន M ១៦ ផលិតនៅសហរដ្ឋអាមេរិកចំនួន៤ដើម។
ចំណែកនៅស្រុករលាប្អៀរ គ្រាប់កាំភ្លើងផ្លោងចាស់ធុន ៦០ម.ម ចំនួន១គ្រាប់ផងដែរ៕
ដោយ ៖ ប្រាថ្នា
