សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តព្រូសបេីកលឿនជាន់ហ្វ្រ័ងមិនទាន់ជ្រុលទៅបុកពីចំហៀងរថយន្តម៉ាស្តាពេញទំហឹងបណ្តាលឱ្យរងការខូចខាតទាំងសងខាងយ៉ាងដំណំ តែមិនមានមនុស្សរងរបួសនោះទេ។
ហេតុការណ៍នេះបានកេីតឡេីងកាលពីវេលាម៉ោង១០យប់ ថ្ងៃទី១១ ខែមករា ឆ្នាំ២០២២ នៅចំណុចផ្លូវលេខ២៥៧ កែងផ្លូវកម្ពុជាក្រោម ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកម៉ាស្តា ពណ៌ស ពាក់ស្លាកលេខ គជប ២-០០៤១ ធ្វេីដំណេីរតាមបណ្តោយផ្លូវលេខ២៥៧ ក្នុងទិសដៅពីត្បូងទៅជេីងឆ្លងផ្លូវកម្ពុជាក្រោម ខណៈឆ្លងជិតផុតទៅហើយស្រាប់តែមានរថយន្តម៉ាកព្រូសពណ៌ទឹកប៊ិក ពាក់ស្លាកលេខកម្ពុជា SITHIKA9 ធ្វេីដំណេីរតាមបណ្តោយផ្លូវកម្ពុជាក្រោមក្នុងល្បឿនលឿនជាន់ហ្វ្រ័ងមិនទាន់ក៏ជ្រុលទៅបុកចំពីចំហៀងរថយន្តម៉ាស្តាពេញទំហឹងបណ្តាលឱ្យរថយន្តម៉ាស្តាផ្ទុះពោងសុវត្ថិភាព ចំណែករថយន្តព្រូសរងការខូចខាតផ្នែកខាងមុខយ៉ាងដំណំ តែសំណាងមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុនិងធ្វេីការវាស់វែងយករថយន្តទាំងពីរគ្រឿងទៅរក្សាទុករង់ចាំដោះស្រាយនៅពេលក្រោយ៕
ដោយ៖សុខាសែនជ័យ
