សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ លោកបណ្ឌិត ហ៊ុន ម៉ាណែត សមាជិកអចិន្រ្តៃយ៍គណកម្មាធិការកណ្តាល និងជាប្រធានក្រុមការងារយុវជនគណបក្សប្រជាជនកម្ពុជាថ្នាក់កណ្តាល បានមានប្រសាសន៍ថា, “គណបក្សប្រជាជនកម្ពុជាបានជួយសង្រ្គោះជីវិតប្រជាជន ៤ដងធំៗ”
លោកបណ្ឌិត ហ៊ុន ម៉ាណែត សង្កត់ធ្ងន់លើពង្រឹងរចនាសម្ព័នយុវជនគណបក្សគ្រប់ថ្នាក់ដេីម្បីជួយដោះស្រាយបញ្ហាជូនប្រជាជន។
សូមរម្លឹកថា, នៅថ្ងៃទី១៦ ខែមករា ឆ្នាំ២០២២ ក្នុងពិធីអបអរសាទរពិធីប្រកាសទទួលស្គាល់ក្រុមការងារជនបង្គោលយុវជនថ្នាក់កណ្តាលចុះជួយស្រុកបាធាយ និងក្រុមការងារសកម្មជនយុវជន សមាជិកគណបក្សជាយុវជនស្រុកបាធាយ ក្រោមអធិបតីភាពដ៏ខ្ពង់ខ្ខ្ពស់ លោកបណ្ឌិត ហ៊ុន ម៉ាណែត សមាជិកអចិន្រ្តៃយ៍គណកម្មាធិការកណ្តាល និងជាប្រធានក្រុមការងារយុវជនគណបក្សប្រជាជនកម្ពុជាថ្នាក់កណ្តាល បានលើកឡើងថា, “គណបក្សប្រជាជនកម្ពុជាបានជួយសង្រ្គោះជីវិតប្រជាជន ៤ដងធំៗ”ក្នុងនោះរួមមាន :
១- បានបញ្ចប់ភ្លាមៗនូវការកាប់សម្លាប់ជីវិតប្រជាជនខ្លួនឯងយ៉ាងរង្គាល នាថ្ងៃ៧ ខែមករា ឆ្នាំ១៩៧៩។ ប្រសិនជារបបនេះបន្តបាន១ថ្ងៃនោះប្រជាជនកម្ពុជារាប់ម៉ឺននាក់នឹងត្រូវគេយកទៅសម្លាប់។
២- បានសង្រ្គោះប្រជាជនឱ្យរួចផុតពីគ្រោះទុរ្ភិក្ស និងស្លាប់ដោយការខ្វះស្បៀងអាហារ ក្រោយការផ្តួលរំលំរបបប៉ុលពត
៣- បានបញ្ចប់សង្រ្គាមផ្ទៃក្នុងរវាងខ្មែរគ្នាឯង នាឆ្នាំ១៩៩៨
៤- បានជួយសង្រ្គោះជីវិតប្រជាជនពីការស្លាប់ដោយសារជំងឺកូវីដ-១៩ ដ៏កាចសាហាវប្រចាំសតវត្សរ៍ ៕
ដោយ ៖ សិលា
