សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន៥នាក់ត្រូវបានកម្លាំងសមត្ថកិច្ចធ្វេីការឃាត់ខ្លួនបានជាបន្តបន្ទាប់ក្រោយពីពួកគេធ្វេីសកម្មភាពឆក់យកទូរស័ព្ទពីស្ត្រី២នាក់បានសម្រេច កាលពីវេលាម៉ោង១០និង២០នាទីព្រឹកថ្ងៃទី២០ ខែមករា ឆ្នាំ២០២២ នៅភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យដែលសមត្ថកិច្ចឃាត់ខ្លួនបានមាន៖ ទី១-ឈ្មោះថេត ប៉ុនថេង ភេទប្រុស អាយុ២១ឆ្នាំ មុខរបរជាងសាក់ ស្នាក់នៅភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ ។ ទី២-ឈ្មោះនូ ប៉ូរិន ភេទប្រុស អាយុ២០ឆ្នាំ មុខរបរជាងជួសជុលម៉ូតូ ស្នាក់នៅភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែន
ជ័យ។ ទី៣-ឈ្មោះសំអាង សុវណ្ណរ៉ា ភេទប្រុស អាយុ១៩ឆ្នាំ មុខរបរសិស្ស ស្នាក់នៅភូមិថ្មគោល១ សង្កាត់ចោមចៅទី២ ខណ្ឌពោធិ៍សែនជ័យ ។ ទី៤-ឈ្មោះចាន់ ចែ ភេទប្រុស អាយុ១៩ឆ្នាំ មុខរបរជាងម៉ូតូ ស្នាក់នៅភូមិថ្មគោល១ សង្កាត់ចោមចៅទី២ ខណ្ឌពោធិ៍សែនជ័យ ។
ទី៥-ឈ្មោះឃុន សុខឃៀង ភេទប្រុសអាយុ១៩ឆ្នាំ មុខរបរលក់គ្រឿងសំណង់ ស្នាក់នៅសង្កាត់អូរបែកក្អម ខណ្ឌសែនសុខ។
ចំណែកជនរងគ្រោះមានឈ្មោះសឿង សុភ័ក្ត្រនាថ ភេទស្រី អាយុ១៨ឆ្នាំ មុខរបរបុគ្គលិកក្រុមហ៊ុន ស្នាក់នៅសង្កាត់អូរបែកក្អម ខណ្ឌសែនសុខ។
តាមប្រភពព័ត័មានបានឱ្យដឹងថា មុនពេលកេីតហេតុជនរងគ្រោះជិះម៉ូតូម៉ាកឃ្យូប៊ិក ពណ៌ក្រហម ពាក់ស្លាកលេខភ្នំពេញ1HY -1783 ឌុបមិត្តភក្តិម្នាក់មកពីផ្សារដេីមគបំណងទៅជួបអតិថិជនម្នាក់ទៀត។ខណៈឈប់ម៉ូតូទាក់ទងទៅអតិថិជនស្រាប់តែមានជនសង្ស័យ៣នាក់ជិះម៉ូតូហុងដាឌ្រីម ស៊េរីឆ្នាំ២០២២ ពណ៌ខ្មៅ ពាក់ស្លាកលេខភ្នំពេញ1IS- 6948 មកធ្វេីសកម្មភាពឆក់យកទូរស័ព្ទបានសម្រេច រួចព្យាយាមគេចខ្លួន តែត្រូវជនរងគ្រោះដេញតាមពីក្រោយនិងស្រែកថាចោរៗ ភ្លាមនោះក៏ជួបកម្លាំងល្បាតឃាត់ខ្លួនបានភ្លាមៗតែម្តង និងបន្តស្រាវជ្រាវតាមចាប់បក្ខពួកបន្ថែមទៀតសរុបទាំងអស់៥នាក់។
នៅចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាបានធ្វេីសកម្មភាពឆក់យកទូរស័ព្ទជនរងគ្រោះប្រាកដមែន។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាត់ការតាមច្បាប់៕
ដោយ៖សុខាសែនជ័យ
