សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានករណីអគ្គិភ័យមួយបានឆាបឆេះផ្ទះប្រជាពលរដ្ឋយ៉ាងសន្ធោសន្ធៅស្ថិតនៅផ្លូវបេតុងទ្រុងមាន់ ក្នុងភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ បង្កការភ្ញាក់ផ្អេីលជាខ្លាំងដល់អ្នកជិតខាង និងអាជ្ញាធរមូលដ្ឋានចុះមកធ្វើអន្តរាគមន៍ កាលពីវេលាម៉ោង១និង៤៧នាទីរសៀល ថ្ងៃទី១១ ខែកុម្ភៈ ឆ្នាំ២០២២។
យោងតាមប្រភពព័ត៌មានពីប្រជាពលរដ្ឋដែលរស់នៅកន្លែងកេីតហេតុបានឱ្យដឹងថា មុនពេលកេីតហេតុគឺទីតាំងខាងលេីបានដាច់ភ្លេីង លុះមួយសន្ទុះក្រោយមកភ្លេីងក៏មានមកវិញ ស្រាប់តែទុស្សេពីក្នុងកាប៊ីនភ្លេីងធ្វេីឱ្យឆាបឆេះផ្ទះជួសជុលម៉ូតូយ៉ាងឆាប់រហ័ស និងចេញជាអណ្ដាតភ្លេីងយ៉ាងសន្ធោសន្ធៅ បង្កការភ្ញាក់ផ្អេីលដល់អ្នកជិតខាងជួយដងទឹក និងតទុយយោទឹកមកបាញ់ពន្លត់នៅតែមិនអាចគ្រប់គ្រងស្ថានការណ៍បាន ទេីប
រាយការណ៍ទៅអាជ្ញាធរមូលដ្ឋាន និងសមត្ថកិច្ចជំនាញពន្លត់ បង្ការនិងសង្គ្រោះអគ្គិភ័យមកធ្វើអន្តរាគមន៍បាញ់ទឹកពន្លត់។
ក្រោយពីទទួលបានដំណឹងនេះភ្លាម កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញបានចេញរថយន្តពន្លត់អគ្គិភ័យចំនួន៩គ្រឿងមកជួយធ្វើអន្តរាគមន៍បាញ់ទឹកពន្លត់យ៉ាងញាប់ដៃញាប់ជេីង ដោយប្រេីពេលវេលាតែមួយម៉ោង និងប្រេីទឹកអស់តែ៧ឡានប៉ុណ្ណោះក៏រលត់ទៅវិញជាស្ថាពរ ។
ចំពោះករណីអគ្គិភ័យនេះ បានធ្វេីឱ្យផ្ទះជួសជុលម៉ូតូមួយល្វែង និងសម្ភារជាច្រេីនខូចខាតទាំងស្រុង ក្នុងនោះក៏មានការឆេះរោលរាលដល់ផ្ទះអ្នកជិតខាង និងភោជនីយដ្ឋាននៅជាប់គ្នារងការខូចខាតសម្ភារអស់មួយចំនួនផងដែរ ។ ចំពោះមូលហេតុនៃការឆាបឆេះនេះគឺ បណ្ដាលមកពីទុស្សេខ្សែភ្លេីង តែសំណាងដែរដែលមិនមានមនុស្សណាម្នាក់រងរបួស ឬគ្រោះថ្នាក់ ព្រោះតែករណីអគ្គិភ័យនេះ នោះទេ៕
ដោយ ៖ ភារ៉ា ដង្កោ
