សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឬស្សីកែវ នៅព្រឹកថ្ងៃទី១៨ ខែកុម្ភៈ ឆ្នាំ២០២២នេះ បានបញ្ជាឱ្យកម្លាំងប៉ុស្តិ៍នគរបាលរដ្ឋបាលទួលសងែ្កទី១ ចុះរៀបចំសណ្តាប់ធ្នាប់ និងធ្វើការផ្សព្វផ្សាយអប់រំណែនាំបងប្អូនអាជីវករលក់ដូរ ដែលយកចិញ្ចេីមផ្លូវបង្កបញ្ហាកកស្ទះចរាចរណ៍ នៅចំណុចផ្លូវជាតិលេខ៥ មុខរោងចក្រសេងយ៉ុង។
សូមជម្រាបថា បន្ទាប់ពីទទួលបានខំមិនពីប្រជាពលរដ្ឋក្នុងផេកស្នងការដ្ឋាននគរបាលរាជធានីភ្នំពេញ ទាក់ទងទៅនឹងបញ្ហាកកស្ទះចរាចរណ៍ នៅចំណុចផ្លូវជាតិលេខ៥ មុខរោងចក្រសេងយ៉ុង ភូមិផ្សារតូច សង្កាត់ទួលសងែ្ក១ ខណ្ឌឫស្សីកែវ ក្រុមការងារព័ត៌មាន និងប្រតិកម្មហ័ស នៃស្នងការដ្ឋាននគរបាលរាជធានីភ្នំពេញ បានទាក់ទងផ្តល់ព័ត៌មានឲ្យអធិការដ្ខាននគរបាលខណ្ឌឬស្សីកែវ ចុះរៀបចំសណ្តាប់ធ្នាប់ និងធ្វើការផ្សព្វផ្សាយអប់រំណែនាំបងប្អូនអាជីវករ ដោយឱ្យទ្បើងលក់ផុតពីទ្រូងថ្នល់បណ្តោះអាសន្ន ១ភាគ៣ នៃចិញ្ចើមថ្នល់ ដើម្បីកាត់បន្ថយការកកស្ទះចរាចរណ៍ រក្សាសណ្តាប់ធ្នាប់សាធារណៈ និងងាយស្រួលដល់ប្រជាពលរដ្ឋក្នុងការធ្វើដំណើរទៅវិញទៅមក។
គួរបញ្ជាក់ថា កម្លាំងសមត្ថកិច្ចនគរបាលរាជធានីភ្នំពេញ និងកម្លាំងជំនាញរបស់អធិការដ្ឋាននគរបាលចំនួន១៤ខណ្ឌ បានចុះយុទ្ធនាការរៀបសណ្តាប់ធ្នាប់សាធារណៈ ក្នុងមូលដ្ឋានរៀងរាល់ថ្ងៃ ដើម្បីកាត់បន្ថយការកកស្ទះចរាចរណ៍៕
ដោយ៖សហការី
