សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនជាតិចិនមួយក្រុមបានជិះរថយន្តម៉ាកព្រូសមួយគ្រឿងក្នុងល្បឿនលឿនដូចហោះ ខណៈមកដល់ផ្លូវមានជង្ហុកមិនដឹងបួងចង្កូតយ៉ាងម៉េចស្រាប់តែក្រឡាប់ផ្ងារជេីងមួយចំហៀង តែមិនមានមនុស្សរងរបួសឡើយ។
ហេតុការណ៍នេះបានកេីតឡេីងកាលពីវេលាម៉ោង១រំលងអធ្រាត្រឈានចូលថ្ងៃទី២៤ ខែកុម្ភៈ ឆ្នាំ២០២២ នៅចំណុចភ្លើងស្តុបកប់ស្រូវ ផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកព្រូស ពណ៌ផ្សែងបារី ពាក់ស្លាកលេខភ្នំពេញ2AX-0797 បេីកបរដោយជនជាតិចិននិងរួមដំណេីរជនជាតិចិនជាច្រើននាក់ធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីលិចទៅកេីតក្នុងល្បឿនលឿន ខណៈមកដល់ចំណុចកេីតហេតុដោយសារតែស្ថានភាពផ្លូវមានជង្ហុកផងនោះមិនដឹងបួងចង្កូតយ៉ាងម៉េចក៏ស្រាប់តែក្រឡាប់ផ្ងារជេីងម្ខាងអូសជាច្រេីនម៉ែត្របណ្តាលឱ្យរងការខូចខាត តែសំណាងមិនមានមនុស្សរងរបួសឡើយ។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុហើយដោយសារតែមិនប៉ះពាល់ដល់អ្នកផ្សេងទេីបប្រគល់រថយន្តឱ្យម្ចាស់យកទៅជួសជុលដោយខ្លួនឯង៕
ដោយ៖សុខាសែនជ័យ
