សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមសេចក្តីជូនដំណឹងរបស់ក្រសួងពាណិជ្ជកម្ម នៅថ្ងៃទី២១ ខែមេសា ឆ្នាំ២០២២នេះ ស្ដីពីតម្លៃប្រេងឥន្ធនៈ បានឱ្យដឹងថា ចាប់ពីថ្ងៃទី២១ រហូតដល់ថ្ងៃទី៣០ ខែមេសានេះ តម្លៃសាំងមួយលីត្រ៥១៥០រៀល និងម៉ាស៊ូត៥៥០០រៀល ។
ក្រសួងពាណិជ្ជកម្ម បានគូសបញ្ជាក់ថា៖ ផ្អែកតាមតម្លៃមធ្យមប្រេងឥន្ធនៈលើកទីផ្សាអន្តរជាតិថ្លៃ លក់រាយប្រេងឥន្ធនៈពីថ្ងៃទី២១ ដល់៣០ ខែមេសា ឆ្នាំ២០២២ នឹងត្រូវលក់៥.៣១០រៀល/១លីត្រ សម្រាប់សាំងធម្មតា EA92 និង ៥.៦៦០រៀល/លីត្រ សម្រាប់ប្រេងម៉ាស៊ូត។
គួរជម្រាបថា ដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈ នៅកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន៤សេនដុល្លារ/លីត្រ។
ដូច្នេះថ្លៃលក់រាយប្រេងឥន្ធនៈសម្រាប់អនុវត្ត ចាប់ពីថ្ងៃទី២១ ដល់៣០ ខែមេសា ឆ្នាំ២០២២ នឹងចុះមក៥.១៥០ រៀល/លីត្រ សម្រាប់សាំងធម្មតា EA92 និង ៥៥០០រៀល/លីត្រសម្រាប់ប្រេងម៉ាស៊ូត ៕
ដោយ៖ស តារា
