សារព័ត៌មាន នគរវត្ត តែងតែនាំមុខគេជានិច្ច
តារាសម្តែង នាង Angelina Jolie ត្រូវបានគេមើលឃើញទៅកាន់ទីក្រុង Lviv ស្ថិតនៅតំបន់ភាគខាងលិច ប្រទេសអ៊ុយក្រែន ដោយទទួលបានការស្វាគមន៍ពីអ្នកគាំទ្រ ដោយគេឃើញនាងនៅក្នុងហាងកាហ្វេមួយនៅទីក្រុង Lviv ។
នាងAngelina Jolie ទៅកាន់ទីក្រុង Lviv តាំងពីថ្ងៃទី ៣០ខែមេសា ។ កាលពីខែមេសា នាងAngelina Jolie បាននិយាយអំពីសង្គ្រាមនៅក្នុងប្រទេសអ៊ុយក្រែន បង្ហោះលើបណ្តាញសង្គម Instagram ទទួលបានការគាំទ្រពីមនុស្ស ជាង ១២,៧លាននាក់ ។
Jolie គឺជាបេសកជនពិសេសសម្រាប់ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) ប៉ុន្តែលោកស្រី Joung-ah Ghedini-Williams អ្នកនាំពាក្យរបស់ UNHCR បានប្រាប់កាសែត Washington Post ថា លោកស្រីJolie មិននៅក្នុងប្រទេសអ៊ុយក្រែនក្នុងតួនាទីនោះទេ។ “គោលបំណងនៃដំណើរទស្សនកិច្ចរបស់ Angelina គឺដើម្បីធ្វើជាសាក្សីចំពោះផលប៉ះពាល់របស់មនុស្សនៃជម្លោះ និងដើម្បីជួយលេីកទឹកចិត្តដល់ប្រជាជនស៊ីវិលអ៊ុយក្រែន”។
នាង Angelina Jolie មិនមែនជាបុគ្គលល្បីល្បាញនៅក្នុងវិស័យសីល្បៈតែមួយគត់ដែលបានទៅកាន់ប្រទេសអ៊ុយក្រែននោះឡើយចាប់តាំងពីសង្គ្រាមផ្ទុះឡើង។ កន្លងក តារាសម្តែងដ៏ល្បីល្បាញ លោក Sean Pennជនជាតិអាមេរិក ក៏បានបំពេញទស្សនកិច្ចទៅកាន់អ៊ុយក្រែន ហើយជួបជាមួយប្រធានាធិបតីអ៊ុយក្រែនផងដែរ៕ដោយ៖ ធីរីណា
រូបថត ៖ REUTERS
