សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័របេីកបត់មិនប្រយ័ត្នត្រូវរថយន្តឃ្លុបដែលបេីកលឿនមកពីក្រោយជ្រុលទៅកៀរធ្វើឱ្យខ្ទាតទៅគាបជាប់ដេីមឈេីមួយដេីមរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង១២និង៥០នាទីរសៀលថ្ងៃទី២៥ ខែឧសភា ឆ្នាំ២០២២ នៅចំណុចមុខស្ថានីយប្រេងមួយកន្លែងតាមបណ្តោយផ្លូវជាតិលេខ៣ ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេឃេីញរថយន្តកុងតឺន័រក្បាលពណ៌ស ពាក់ស្លាកលេខភ្នំពេញ3D -9194 ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូង ខណៈមកដល់ចំណុចកេីតហេតុបានទាញចង្កូតបត់ស្តាំចូលទៅផ្លូវបេតុង ហើយភ្លាមៗនោះក៏មានប្រភេទរថយន្តឃ្លុបម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3E-0941 ធ្វេីដំណេីរមកពីក្រោយក្នុងល្បឿនលឿនបំណងវ៉ាខាងស្តាំក៏កៀរគ្នាខ្ទាតទៅគាបជាប់ដេីមឈេីមួយដេីមរងការខូចខាត តែសំណាងល្អមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចបានចុះមកដល់ ហើយបានទាក់ទងទៅមន្ត្រីជំនាញមកធ្វេីការវាស់វែងយករថយន្តទាំងពីរគ្រឿងទៅរក្សាទុករង់ចាំដោះស្រាយគ្នានៅពេលក្រោយ៕
ដោយ៖សុខាសែនជ័យ
