សារព័ត៌មាន នគរវត្ត តែងតែនាំមុខគេជានិច្ច
អភិបាលក្រុងកៀវ ប្រទេសអ៊ុយក្រែន លោក Vitali Klitschko បានបញ្ជាក់ថា មានករណីផ្ទុះកក្រើកនៅព្រឹកថ្ងៃទី ៥ខែមិថុនា។ ការផ្ទុះខ្លាំងៗកើតឡើងនៅក្នុងស្រុក Darnytskyi និងDniprovskyi បណ្តាលឱ្យសេវាកម្មនានានៅក្នុងទីក្រុងត្រូវផ្អាក។
សារព័ត៌មាន រ៉យទ័រ បានផ្សាយថា មានផ្សែងគ្របដណ្តប់នៅតំបន់ជាច្រើននៅក្នុងទីក្រុង ហើយមានសំឡេងប្រកាសអាសន្នពីការវាយប្រហារតាមដែនអាកាសទៀតផង។
នៅក្នុងសារមួយបង្ហោះលើ Twitter ចៅហ្វាយក្រុងកៀវលោក Vitali Klitschko បានឱ្យដឹងថាសូរសំឡេងផ្ទុះជាច្រើនត្រូវបានគេរាយការណ៍នៅក្នុងតំបន់ Darnytskyi និងឌីនីប្រូវស្គី (Dniprovskyi) នៃទីក្រុងកៀវ។ រីឯអាជ្ញាធរបានទៅដល់ទីតាំងកើតហេតុហើយ។
លោក Vitali Klitschkoបានបញ្ជាក់ថា មានមនុស្សម្នាក់ត្រូវបានបញ្ជូនទៅកាន់មន្ទីរពេទ្យ តែភ្លាមៗមិនទាន់មានការបញ្ជាក់ពីអ្នកស្លាប់ទេ ខណៈដែលក្រុមមន្ត្រីអ៊ុយក្រែនខ្លះអះអាងថា ការវាយប្រហារដោយគ្រាប់ផ្លោងរបស់រុស្ស៉ី មានគោលដៅលើបណ្ដាញប្រព័ន្ធផ្លូវដែក៕ ដោយ៖ ធីរីណា
រូបថត ៖ VTC News
