សារព័ត៌មាន នគរវត្ត តែងតែនាំមុខគេជានិច្ច
ក្លិបបានប្រកាសថា Lille បានចែកផ្លូវជាមួយអ្នកចាត់ការទូទៅលោកJocelyn Gourvennec បន្ទាប់ពីរដូវកាលដ៏ខកចិត្តមួយដែលម្ចាស់ជើងឯក Ligue 1 ឆ្នាំ២០២១ បានបញ្ចប់ក្នុងចំណាត់ថ្នាក់លេខ១០ក្នុងតារាង។
បុរសវ័យ៥០ឆ្នាំរូបនេះបានជំនួសតំណែងលោក Christophe Galtierកាលពីខែកក្កដាឆ្នាំមុន ប៉ុន្តែគ្រឿងប្រាក់តែមួយគត់ដែលគាត់បានឈ្នះក្នុងអំឡុងពេលកាន់តំណែងរបស់គាត់គឺ French Super Cup ។
ក្រុមរបស់គាត់បានធ្លាក់ចេញពី Champions League ក្នុងវគ្គ១៦ក្រុមចុងក្រោយ។ ក្រុម Lille បានបរាជ័យក្នុងការប្រកួតប្រជែងនៅអឺរ៉ុបនៅរដូវកាលក្រោយ។
ក្លិបបានប្រកាសនៅក្នុងសេចក្តីថ្លែងការណ៍មួយថា “Lille សូមថ្លែងអំណរគុណយ៉ាងស្មោះស្ម័គ្រចំពោះ Jocelyn Gourvennec សម្រាប់កិច្ចសហការ ការប្តេជ្ញាចិត្ត និងវិជ្ជាជីវៈរបស់គាត់ពេញមួយរដូវកាល២០២១–២០២២”។
គួរបញ្ជាក់ថា ក្លិប Lille បានគ្រងជើងឯក Ligue 1 ឆ្នាំ២០២០-២០២១ ប៉ុន្តែកាលពីរដូវកាលមុន ក្រុមនេះបានត្រឹមចំណាត់ថ្នាក់លេខ១០ ដោយមិនមានកៅអីគ្រប់គ្រាន់ក្នុងការលេងនៅ Champions League និង Europa League នៅរដូវកាលក្រោយនេះទេ ៕
ដោយ៖ ភារៈ(រូបភាព ៖ Reuters/CNA)
