សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ កាលពីថ្ងៃទី២០ ខែមិថុនា ឆ្នាំ២០២២នៅ វេលាម៉ោង១១និង០០នាទី កម្លាំងផែនប្រឆាំងគ្រឿងញៀន នៃអធិការដ្ឋាននគរបាលក្រុងប៉ៃលិន បានទទួលការរាយការណ៍ពីលោកមេភូមិទឹកផុស និងប្រជាការពារភូមិទឹកផុសថា÷ មានមុខសញ្ញាសង្ស័យម្នាក់កំពុងតែធ្វេីសកម្មភាព ជួញដូរ និងប្រេីប្រាស់គ្រឿងញៀនយ៉ាងសកម្មនៅក្នុងដីចំការចន្ទីមួយកន្លែង ស្ថិតក្នុងភូមិទឹកផុស សង្កាត់ប៉ៃលិន ក្រុងប៉ៃលិន ខេត្តប៉ៃលិន ភ្លាមនោះកម្លាំងផែនប្រឆាំងគ្រឿងញៀន សហការជាមួយកម្លាំងប៉ុស្តិ៍រដ្ឋបាលសង្កាត់ប៉ៃលិន ក៏បានចុះទៅដល់ទីតាំងខាងលេីនោះ ស្រាប់តែឃេីញមានជនសង្ស័យម្នាក់កំពុងតែព្យាយាមរត់គេចខ្លួន តែក៏ត្រូវសមត្ថកិច្ចឃាត់ខ្លួនបាន ។
ជនសង្ស័យមានឈ្មោះ វង់ សុវណ្ណ ភេទប្រុស អាយុ៣០ឆ្នាំ មុខរបរមិនពិតប្រាកដ ជនជាតិខ្មែរ សញ្ជាតិខ្មែរ រស់នៅភូមិទឹកផុស សង្កាត់ប៉ៃលិន ក្រុងប៉ៃលិន ខេត្តប៉ៃលិន ,រួចក៏បានឆែកឆេរនិងពិនិត្យទឹកនោមមានផ្ទុកសារធាតុញៀន(+)។
-ក្រោយពីកម្លាំងសមត្តកិច្ចជំនាញពិនិត្យឆែកឆេររួចវត្ថុតាងត្រួវបានដកហូតរួមមាន៖
១-ថ្នាំញៀនប្រភេទម៉ាទឹកកកចំនួន០៥កញ្ចប់ ទម្ងន់៤,១៦ក្រាម សាច់ថ្នាំសុទ្ធ។
២-ម៉ូតូស៊េរីចាស់ចំនួន០១គ្រឿង
៣-ទូរស័ព្ទចំនួន០៤គ្រឿង ម៉ាកViVoពណ៌ទឹកមាសចំនួន០១គ្រឿង ម៉ាកlnfinixពណ៌ទឹកសមុទ្រចំនួន០១គ្រឿង និងម៉ាកNokia អិនចុចពិលចំនួន០២គ្រឿង,
៤-កាំបិតផ្គាក់ចំនួន០៣ដេីម
៥-ដាវចំនួន០១ដេីម
៦-ពូថៅដៃចំនួន០១ដេីម
សមត្តកិច្ចនគរបាលជំនាញក្រុងបានបន្តទៀតថា-ករណីនេះ ត្រូវបានស្នើសុំយោបល់ លោកស្នងការ ដើម្បីឃាត់ខ្លួនជនសង្ស័យខាងលើរួមទាំងវត្ថុតាង នៅអធិការដ្ឋាននគរបាលក្រុងប៉ៃលិន ដេីម្បីសាកសួរ និងអនុវត្តនីតិវិធីបន្ត ៕
ដោយ៖ស សារ៉េត
