សារព័ត៌មាន នគរវត្ត តែងតែនាំមុខគេជានិច្ច
កីឡាការិនី Serena Williams បានទទួលជ័យជម្នះក្នុងការវិលត្រឡប់ទៅកាន់ការប្រកួតនៅ Eastbourne International កាលពីថ្ងៃអង្គារ ខណៈដែលនាង និងដៃគូ Ons Jabeur បានផ្តួល Sara Sorribes Tormo និង Marie Bouzkova ក្នុងលទ្ធផល 2-6 6-3 (13-11)។ អតីតកីឡាករវាយកូនតឺន្នីសលំដាប់ទី១ពិភពលោករូបនេះមិនបានលេងកីឡាវាយតឺន្នីសដែលមានការប្រកួតប្រជែងចាប់តាំងពីការធ្លាក់ចេញពីការប្រកួតជុំទី១ កាលពីឆ្នាំមុននៅឯ Wimbledon ជាកន្លែងដែលនាងបានឈ្នះពានរង្វាន់ Grand Slam ចំនួន៧ក្នុងចំណោម២៣របស់នាងដោយទឹកភ្នែកដោយសារតែរបួសជើង។
ត្រឡប់មកទីលានប្រកួត និងនៅលើទីលានម្តងទៀត Williams បានបង្កើនការត្រៀមលក្ខណៈសម្រាប់កម្មវិធី Wimbledon ដែលជាដ៏សំខាន់នឹងចាប់ផ្តើមនៅថ្ងៃចន្ទក្រោយ ដោយទទួលបានការជំនួសដើម្បីចូល រួមជាមួយនឹងកីឡាការិនី Tunisian Jabeur ក្នុងជុំបើកឆាកនៅ Eastbourne។
ជាមួយនឹងការខកខានការប្រកួតមួយចំនួនកីឡាការិនី Williams វ័យ៤០ឆ្នាំ ដែលបានធ្លាក់ទៅលេខ១២០៤ ក្នុងចំណាត់ថ្នាក់ឯកត្តជន។ ទោះបីជាយ៉ាងណាក៏ដោយ Williams និងដៃគូ Jabeur រក្សាឱ្យសម្រេចបាន ៤-៣ មុនពេលជនជាតិអាមេរិកបង្ហាញសញ្ញាបន្ថែមទៀតថានាងកំពុងចាប់ផ្តើមស្វែងរកជ័យជម្នះដើម្បីរក្សាក្តីសង្ឃឹមលើពានរង្វាន់។
Williams នឹងប្រកួតបន្ទាប់ដើម្បីយកការប្រកួតទៅកាន់វគ្គផ្តាច់ព្រ័ត្រនៃការប្រកួត ដោយគូទាំងពីរមានពិន្ទុក្នុងការប្រកួត មុនពេល SorribesTormo ខកខានដោយធ្វើមិនបានល្អ។ Williams បាននិយាយថា “វាពិតជាសប្បាយណាស់ក្នុងការលេងជាមួយ Ons Jabeur ពួកយើងបានសប្បាយ។ ខ្ញុំបានព្យាយាមពីការខកខានរបស់ខ្ញុំ វាជាការល្អ។ យើងគ្រាន់តែយកវាមួយថ្ងៃក្នុងពេលតែមួយ”។
ចំណែកកីឡាការិនីលេខ៤ របស់អង់គ្លេស Katie Bulter បានយកឈ្នះដ៏ធំបំផុតមួយនៃអាជីពរបស់នាងជាមួយនឹងជ័យជម្នះ 1-6 6-4 6-4 លើជើងឯករង Wimbledon ឆ្នាំ២០២១ Karolina Pliskova ខណៈដែល Jodie Burrage ធ្វើបានល្អតាមរយៈការយកឈ្នះកីឡាការិនីលេខ៤ពិភពលោក Paula Badosa ក្នុងលទ្ធផល ៦-៤ ៦-៣ ៕
ដោយ៖ ភារៈ(រូបភាព ៖ Reuters/CNA)
