សារព័ត៌មាន នគរវត្ត តែងតែនាំមុខគេជានិច្ច
ស្ថាប័នគ្រប់គ្រងបាល់ទាត់ពិភពលោក FIFA បានប្រកាសកាលពីថ្ងៃពុធថា អ្នករៀបចំបានលក់សំបុត្រចំនួន១.៨លានសន្លឹកសម្រាប់ការប្រកួត World Cup ឆ្នាំនេះនៅប្រទេសកាតា។
FIFA បានប្រកាសថា មានប្រភេទសំបុត្រពិសេសដែលអាចរកបានសម្រាប់តែអ្នករស់នៅក្នុងប្រទេសម្ចាស់ផ្ទះកាតា ហើយអ្នកគាំទ្រនៅក្នុងរដ្ឋឈូងសមុទ្រអារ៉ាប់បានទិញសំបុត្រច្រើនបំផុត។
FIFA បានប្រកាសនៅក្នុងសេចក្តីប្រកាសព័ត៌មានមួយថា ក្រៅពីកាតា ប្រទេសកំពូលដែលអ្នកគាំទ្រទិញសំបុត្រច្រើនមានដូចជា កាណាដា អង់គ្លេស បារាំង អាឡឺម៉ង់ ឥណ្ឌា អារ៉ាប៊ីសាអ៊ូឌីត អេស្ប៉ាញ អេមីរ៉ាតអារ៉ាប់រួម និងសហរដ្ឋអាមេរិក។
អ្នកនាំពាក្យម្នាក់បាននិយាយថា FIFA រំពឹងថានឹងផ្តល់សំបុត្រការប្រកួតសរុបចំនួន៣លានក្នុងអំឡុងការប្រកួតរយៈពេល២៨ថ្ងៃដែលនឹងចាប់ផ្តើមនៅថ្ងៃទី២១ ខែវិច្ឆិកា។
វគ្គជម្រុះសម្រាប់ការប្រកួតបាល់ទាត់ពិភពលោក Play-off ឥឡូវនេះបានបញ្ចប់ ហើយក្រុមចំនួន៣២សម្រាប់ការប្រកួតត្រូវបានធានា។
ការលក់សំបុត្រជុំបន្ទាប់នឹងនៅតែបើករហូតដល់ថ្ងៃទី១៦ ខែសីហា ហើយសំបុត្រនឹងត្រូវបានបញ្ជាក់លើការទូទាត់ ដោយផ្អែកលើមូលដ្ឋាននៃការមកមុន និងទទួលបានមុន។ ដំណាក់កាលចុងក្រោយនៃការលក់សំបុត្រ ការចាប់ឆ្នោតជ្រើសរើសដោយចៃដន្យបានបិទនៅចុងខែមេសា ៕
ដោយ៖ ភារៈ(រូបភាព ៖ BBC Sport)
