សារព័ត៌មាន នគរវត្ត តែងតែនាំមុខគេជានិច្ច
Cristiano Ronaldo នឹងអវត្តមានផ្នែកដំបូងនៃដំណើរប្រកួតទេសចរណ៍មុនរដូវកាល (Pre-season Tour) របស់ក្លិប Manchester United ទៅកាន់ប្រទេសថៃ។ Ronaldo ត្រូវបានផ្តល់ពេលសម្រាកបន្ថែមដោយហេតុផលគ្រួសារ ហើយនឹងមិននៅថ្ងៃសុក្រលើជើងហោះហើរទៅបាងកកទេ។
ក្លិប Manchester United មានការប្តេជ្ញាចិត្តថា ពួកគេចាត់ទុក Ronaldo ជាផ្នែកមួយនៃក្រុមរបស់ពួកគេ ហើយមិនមានចំណាប់អារម្មណ៍ក្នុងការលក់គាត់នោះទេ។ ទោះបីជាយ៉ាងណាក៏ដោយ ពួកគេមិនបានផ្តល់ការធានាអំពីវត្តមានរបស់គាត់នៅលើជើងធ្វើដំណើររបស់អូស្ត្រាលីនោះទេ ហើយការអវត្តមានរបស់គាត់នឹងជំរុញឱ្យមានការរំពឹងទុកអំពីអនាគតរបស់គាត់ប៉ុណ្ណោះ។ខ្សែប្រយុទ្ធសញ្ជាតិព័រទុយហ្គាល់វ័យ៣៧ឆ្នាំរូបនេះចង់ចាកចេញពីក្លិប Premier League នៅរដូវក្តៅនេះ ប្រសិនបើពួកគេអាចស្វែងរកការផ្តល់ជូនត្រឹមត្រូវ។ Ronaldo បានខកខានការវិលត្រឡប់របស់ក្លិបទៅហ្វឹកហាត់មុនបើករដូវកាលនៅ Carrington ក្នុងសប្តាហ៍នេះសម្រាប់ហេតុផលគ្រួសារ ហើយជំនួសមកវិញការហ្វឹកហាត់នៅទីស្នាក់ការកណ្តាលរបស់ក្រុមជម្រើសជាតិព័រទុយហ្គាល់។
ក្រុម Manchester United នឹងប្រកួតជាមួយ Liverpool នៅប្រទេសថៃនៅថ្ងៃអង្គារសប្តាហ៍ក្រោយ មុនពេលហោះទៅអូស្ត្រាលី។
ចំណែកក្លិបយក្សអេស្ប៉ាញ Barcelona បានដាក់សំណើទៅ Bayern Munich សម្រាប់ខ្សែប្រយុទ្ធប៉ូឡូញ Robert Lewandowski ។ ប្រធានក្លិប Barcelona លោក Joan Laporta បាននិយាយថា គាត់កំពុងសង្ឃឹមសម្រាប់ “ការឆ្លើយតបជាវិជ្ជមាន” ពីក្លិបម្ចាស់ជើងឯកអាល្លឺម៉ង់។
Lewandowski វ័យ៣៣ឆ្នាំបាននៅ Bayern Munich តាំងពីឆ្នាំ២០១៤ប៉ុន្តែបាននិយាយកាលពីខែឧសភាថា “រឿងរបស់គាត់បានបញ្ចប់” នៅក្លិប ដែលបច្ចុប្បន្ន Lewandowski នៅសល់កុងត្រានៅក្លិបនេះ១ឆ្នាំទៀត។
លោក Laporta បាននិយាយកាលពីថ្ងៃព្រហស្បតិ៍ថា “យើងបានធ្វើការផ្តល់ជូនសម្រាប់កីឡាករ យើងកំពុងរង់ចាំការឆ្លើយតប យើងនឹងមើលថាតើវាមានភាពវិជ្ជមានឬយ៉ាងណា?”។ លោក Laporta នឹងមិនពិភាក្សាលម្អិតជាក់លាក់អំពីការផ្តល់ជូនរបស់ Barcelona ទេ ប៉ុន្តែវាត្រូវបានគេរាយការណ៍ថា ពួកគេបានផ្តល់៣៣.៨លានផោនបូកនឹងប្រាក់រង្វាន់៤.២លានផោនសម្រាប់កីឡាករ។
ក្លិប Barcelona បានច្រានចោលពាក្យចចាមអារ៉ាមដែលថា Bayern Munich ដែលសង្ស័យពីស្ថានភាពសេដ្ឋកិច្ចរបស់ Barcelona ចង់បានការបង់ប្រាក់សម្រាប់ការផ្ទេរ Lewandowski ជាមុន។
ខ្សែប្រយុទ្ធ Lewandowski បានស៊ុតបញ្ចូលទីបាន២៣៨គ្រាប់ក្នុងលីគក្នុងការបង្ហាញខ្លួន២៥២ដងក្នុងរយៈពេល៨ឆ្នាំសម្រាប់ Bayern Munichដោយឈ្នះពានរង្វាន់ Bundesliga ចំនួន៨ដង និង Champions League ម្តងជាមួយក្លិបនេះ ៕
ដោយ៖ ភារៈ(រូបភាព ៖ BBC Sport/Reuters/CNA)
