សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដោយទទួលបានការអនុញ្ញាតពីលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី១០ ខែកក្កដា ឆ្នាំ២០២២ លោកឧត្តមសេនីយ៍ទោ ហ៊ុន សុធី និងលោកវរសេនីយ៍ឯក យ៉ែម នៅ ស្នងការរង រួមជាមួយលោកវរសេនីយ៍ទោ លៀក ចាន់រាបសា អធិការនគរបាលខណ្ឌជ្រោយចង្វាបានដឹកនាំមន្ត្រីក្រោមឱវាទអញ្ជើញចូលរួមគោរពវិញ្ញាណក្ខន្ធសពលោកវរសេនីយ៍ទោ ផន សុភ័ក្ត្រ អធិការរងនគរបាលខណ្ឌជ្រោយចង្វាដែលបានទទួលមរណភាពដោយសារខ្យល់គរ។
ក្នុងឱកាសនោះលោកឧត្តមសេនីយ៍ទោ ហ៊ុន សុធី ក៏បានពាំនាំប្រសាសន៍ផ្តាំផ្ញើ ចូលរួមរំលែកទុក្ខនូវការបាត់បង់ ធនធានមនុស្សក្នុងជួរកងកម្លាំងនគរបាលជាតិរបស់លោកស្នងការ ព្រមទាំងនាំយកបច្ច័យចូលបុណ្យប្រគល់ជូនក្រុមគ្រួសារសពលោកវរសេនីយ៍ទោ រួមមាន៖
– ថវិកាលោកស្នងការចំនួន២លានរៀល
– ថវិកាសមាគមមិត្តនគរបាលជាតិចំនួន ៦លានរៀល
– ថវិកាលោកឧត្តមសេនីយ៍ទោ ហ៊ុន សុធី ចំនួន៤០ម៉ឺនរៀល
– ថវិកាលោកវរសេនីយ៍ឯក យ៉ែម នៅ ចំនួន២០ម៉ឺនរៀល
– ថវិកាអធិការដ្ឋាននគរបាលខណ្ឌជ្រោយចង្វាចំនួន១.៩៨០ដុល្លារ និងសម្ភារ(ក្តារមឈូសសម្រាប់បញ្ចុះសព, ទឹកបរិសុទ្ធ , ទឹកផ្លែឈើ ) ៕
ដោយ ៖ សិលា
