សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី៤ ខែកញ្ញា ឆ្នាំ២០២២ បានបង្ហោះលើផេកផ្លូវការថា, ទើបបានទទួលរូបថតមួយសន្លឹកទៀតតាមរយៈmessenger របស់យុវជន តេជោ។
រូបថតនេះក៍ខ្ញុំមិនដែលបានឃើញនិងមិនដឹងថាថតនៅទីណាឆ្នាំណា?តែខ្ញុំអាចស្មានបានថាគឺថតមុនចុះហត្ថលេខាលើកិច្ចព្រមព្រៀងប៉ារីស។
សម្តេចតេជោ បន្តថា, ការសំអាងរបស់ខ្ញុំគឺនៅត្រង់សក់ក្បាលធម្មជាតិរបស់ខ្ញុំដែលពេលនោះខ្ញុំដែលចេះប្រើថ្នាំបាញ់សក់ឱ្យរឹងនោះឡើយ។
ការបង្ហោះរូបថតចាស់ៗមួយរយៈចុងក្រោយនេះមានបងប្អូនមួយចំនួនបានចូលមកខមិនថាលោកតា លោកពុក លោកអុំ លោកពូ លោកបង(សង្ហា)។
តើខ្ញុំពិតជាសង្ហាមែនឬអីព្រោះខ្ញំជាអតីតក្មេងវត្តដែលចេញពីត្រកូលកសិករនៅជនបទនិងជាជនពិការភ្នែកម្នាក់។
ប្រសិនបើខ្ញុំពិតជាសង្ហាមែនភរិយាខ្ញុំទទួលយកខ្ញុំធ្វើជាប្តីពិតជាមិនខុសទេ។
(សូមទោសនិយាយលេងទេ)៕
ដោយ ៖ សិលា
