សារព័ត៌មាន នគរវត្ត តែងតែនាំមុខគេជានិច្ច
គ្រូបង្វឹកទទួលបន្ទុកបង្វឹកអ្នកចាំទីក្លិប Liverpool លោក John Achterberg និងលោក Daniel Hodges របស់គ្រូបង្វឹកក្លិប Newcastle ត្រូវបានចោទប្រកាន់ដោយសមាគមបាល់ទាត់អង់គ្លេស បន្ទាប់ពីឧប្បត្តិហេតុមួយអំឡុងពេលក្រុមហង្សក្រហមឈ្នះ ២-១ កាលពីថ្ងៃទី៣១ខែសីហាកន្លងទៅ។
សមាជិកនៃក្រុមគ្រូបង្វឹករបស់ក្រុមទាំងពីរបានប៉ះទង្គិចគ្នាបន្ទាប់ពីគ្រាប់បាល់ឈ្នះរបស់ Fabio Carvalho នៅនាទីទី៩០+៨។ អ្នកទាំង២ត្រូវបានចោទប្រកាន់ពីបទប្រព្រឹត្តមិនសមរម្យ។ លោក Achterberg ដែលជាគ្រូបង្វឹកអ្នកចាំទីរបស់ Liverpool ក៏ត្រូវបានចោទប្រកាន់ថា បានប្រើកាយវិការប្រមាថ និងប្រើសម្តីមិនសមរម្យផងដែរ។ អ្នកទាំងពីរមានរយៈពេលរហូតដល់ថ្ងៃទី៨ ខែកញ្ញាដើម្បីឆ្លើយតបទៅនឹងការចោទប្រកាន់។
FA បានពិនិត្យឡើងវិញទៅលើឧប្បត្តិហេតុដែលបុគ្គលិកក្រុមNewcastle យកវត្ថុគប់ឆ្ពោះទៅតំបន់បុគ្គលិកបច្ចេកទេសរបស់កន្លែងក្រុម Liverpool។ គ្រូបង្វឹកក្រុម Newcastle លោក Eddie Howe បានហៅអ្នកឈ្នះចុងម៉ោងថា ជា “អ្នកជំងឺ” បន្ទាប់ពីក្រុមរបស់គាត់បាននាំមុខ ១-០តាមរយៈគ្រាប់បាល់ដំបូងពីការចុះហត្ថលេខាលើកំណត់ត្រា៦០លានផោនរបស់ Alexander Isak។ ពេលនោះ Roberto Firmino បានតាមស្មើឱ្យ Liverpool មុនពេល Carvalho ស៊ុតបញ្ចូលទីដើម្បីឈ្នះការប្រកួតជាមួយនឹងការទាត់ចុងក្រោយ។
ដោយឡែកគ្រូបង្វឹកក្លិប Leeds United លោក Jesse Marsch ក៏ត្រូវបានសមាគមបាល់ទាត់ចោទប្រកាន់ពីបទប្រើភាសា និងអាកប្បកិរិយាមិនសមរម្យអំឡុងពេលក្រុមរបស់គាត់ចាញ់ក្រុម Brentford កាលពីថ្ងៃសៅរ៍។ បុរសសញ្ជាតិអាមេរិករូបនេះខឹងសម្បារយ៉ាងខ្លាំងបន្ទាប់ពី Leeds ត្រូវបានបដិសេធការពិន័យ។
គាត់ត្រូវបានគេបណ្តេញចេញបន្ទាប់ពីជំរុញឱ្យអាជ្ញាកណ្តាល Robert Jones ពិនិត្យមើលការប្រជែងដោយកីឡាករ Aaron Hickey ប៉ះទង្គិចលើខ្សែបម្រើស្លាប Leedsកីឡាករ Crysencio Summerville ។ លោក Marschមានរយៈពេលរហូតដល់ថ្ងៃសុក្រដើម្បីផ្តល់ការឆ្លើយតបចំពោះការចោទប្រកាន់របស់ FA ។
លោក Marsch ដែលបានជំនួសតំណែងលោក Marcelo Bielsa ជាគ្រូបង្វឹក Leeds កាលពីខែកុម្ភៈ ដែលដឹកនាំអំឡុងពេល Leeds ចាញ់ Brighton កាលពីសប្តាហ៍មុន។
ជ័យជម្នះ ៥-២ បានលើកក្រុម Brentford មកឈរនៅលេខរៀងទី៧ ក្នុងតារាង ខណៈដែល Leeds បានធ្លាក់ទៅលេខ៩បន្ទាប់ពីបរាជ័យជាលើកទី២ក្នុង Premier League របស់ពួកគេ។ ក្លិប Leeds នៅតែស្វែងរកជ័យជម្នះរបស់ពួកគេក្នុងការប្រជែងលីគកំពូលក្នុងរដូវកាលនេះ៕
ដោយ៖ ភារៈ(រូបភាព ៖ BBC Sport)
