សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់រងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗបន្ទាប់ពីគាត់ជិះម៉ូតូលឿនមិនប្រយ័ត្នជ្រុលទៅបុកបង្កាន់ដៃស្ពានអាកាសចោមចៅកាលពីវេលាម៉ោង៦និង៥៣នាទីព្រឹកថ្ងៃទី១៣ ខែកញ្ញា ឆ្នាំ២០២២ ស្ថិតនៅតាមបណ្ដោយផ្លូវជាតិលេខ៣ គល់ស្ពានអាកាសចោមចៅខាងត្បូង ក្នុងភូមិព្រៃព្រីងខាងត្បូង១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មាននៅកន្លែងកើតហេតុបានឱ្យដឹងថា មុនពេលកេីតហេតុគេឃេីញបុរសម្នាក់ជិះម៉ូតូហុងដាC100 ពណ៌ក្រហម ពាក់ស្លាកលេខព្រះសីហនុ1A-3044 ធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជេីងយ៉ាងលឿន ហើយខណៈមកដល់ចំណុចកេីតហេតុក៏រេចង្កូតទៅបុកបង្កាន់ដៃស្ពានអាកាសចោមចៅពេញទំហឹងបោកខ្ទប់បណ្តាលឱ្យរងរបួសយ៉ាងធ្ងន់។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗចំណែកម៉ូតូត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលចោមចៅទី២៕
ដោយ៖សុខាសែនជ័យ
