សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ នគរបាលនៃអធិការស្រុកគាស់ក្រឡបានឲ្យដឹងថា កាលពីថ្ងៃ អង្គារ៨រោចខែអស្សុជឆ្នាំខាលចត្វាស័កព.ស.២៥៦៦ត្រូវនឹងថ្ងៃទី១៨ ខែតុលា ឆ្នាំ២០២២ វេលាម៉ោង៩និង៣៥នាទី នៅចំណុចភូមិបឹងរាំង ឃុំធិបតី ស្រុក គាស់ក្រឡ ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោសាត គឹមសាន ស្នងការនៃស្នងការដ្ឋាននគរបាលខេត្តបាត់ដំបងរួមនឹងយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ឯកប៉ាង ហៀង អធិការនគរបាលស្រុកគាស់ក្រឡ បានដឹកនាំកម្លាំងជំនាញផ្នែកប្រឆាំងបទល្មើសគ្រឿងញៀនរួមជាមួយកម្លាំងប៉ុស្តិ៍នគរបាលរដ្ឋបាលធិបតី នៃអធិការដ្ឋាននគរបាលស្រុកគាស់ក្រឡ បានចុះប្រតិបត្តិការបង្ក្រាប ករណី រក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង ឃាត់ជនសង្ស័យចំនួន០១នាក់ឈ្មោះ យ៉ូម យី ភេទប្រុស អាយុ ៤០ឆ្នាំ មានទីលំនៅភូមិ បឹងរាំង ឃុំ ធិបតី ស្រុកគាស់ក្រឡ ខេត្តបាត់ដំបង ។
ប្រភពពីសមត្តកិច្ចបានឲ្យដឹងថា÷ក្រោយពីឃាត់ខ្លួនជនសង្ស័យរួច វត្ថុតាងដែលដកហូតបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន ០២ថង់ សង្ស័យមានសារធាតុញៀន
-ទូរស័ព្ទដៃចំនួន ០១គ្រឿងចាស់
-ជញ្ជីងថ្លឹង ចំនួន០១
-ដែកកេះ ចំនួន០១
-ឧបករណ៍សំរាប់ប្រើប្រាស់ថ្នាំញៀន ចំនួន០១
-ប្រាក់រៀល ចំនួន ១០ម៉ឺនរៀល
-ទុយោសម្រាប់រំលែកថ្នាំញៀនចំនួន០១
-ថង់សម្រាប់រំលែកថ្នាំញៀនមួយចំនួន ។
ជនសង័្សយនិងវត្ថុតាងនគរបាលស្រុកបានរៀបចំកសាងសំណុំរឿងបញ្ជូនមកការិយាល័យជំនាញអនុវត្តបន្តតាមនីតិវិធី ច្បាប់ ៕
ដោយ៖ ស សារ៉េត
