សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ បេីយោងតាមប្រភពព័ត៌មានពីផេកហ្វេសប៊ុកផ្លូវការរបស់កងទ័ពជេីងគោក នៃកងយោធពលខេមរភូមិន្ទ នៅរសៀលថ្ងៃទី០៨ ខែវិច្ឆិកា ឆ្នាំ២០២២នេះថា៖ លោកវរសេនីយ៍ឯក ឃួន ភិរុណ មេបញ្ជាការកងការពារព្រំដែនគោកលេខ ៤០២ បានបន្តចាត់តាំងកម្លាំងដើរល្បាតសហការ ត្រួតពិនិត្យភូមិសាស្ត្រ និងល្បាតត្រួត ពិនិត្យបង្គោលសីមា តាមខ្សែបន្ទាត់ព្រំដែន កម្ពុជា-ថៃ ភូមិសាស្ត្រដែលអង្គភាពទទួលខុសត្រូវ គ្រប់ចំណុចគោលដៅដែលបានកំណត់ទុក។
លោកវរសេនីយ៍ឯក ឃួន ភិរុណ ការដើរល្បាតនេះបានធ្វេីឡេីងជារៀងរាល់ថ្ងៃ ដើម្បីតាមដានសភាពការណ៍ និងទប់ស្កាត់ការលួចឆ្លងដែនខុសច្បាប់ឬបទល្មើសផ្សេងៗ ស្ថិតក្នុងសង្កាត់ អូរស្មាច់ ក្រុងសំរោង ខេត្តឧត្តរមានជ័យ។ ជាលទ្ធផល សភាពការណ៍លើខ្សែបន្ទាត់ព្រំដែន ដែលអង្គភាពទទួលខុសត្រូវគ្មានអ្វីប្រែប្រួល។
ជាមួយគ្នានោះ មេបញ្ជាការ ក៏បានកោតសរសើរដល់កងកម្លាំងប្រចាំការដែលបានយកចិត្តទុកដាក់ដើរល្បាតទាំងយប់ទាំងថ្ងៃដែលបទបញ្ជាថ្នាក់លើដាក់ជូន។ និងបានផ្ដាំផ្ញើរសួរសុខទុក្ខ និង ជូនពរដល់បងប្អូនកងកម្លាំងទាំងអស់មានសុខភាពល្អ និងកាប់ឆ្ការព្រៃធ្វើផ្លូវដើម្បីងាយស្រួលក្នុងការដើរល្បាត បន្ថែមពីនោះក៏បាញ់ថ្នាំស្មៅសំអាតជុំវិញកន្លែងស្នាក់នៅផងដែរ ៕
ដោយ៖ សហការី
