សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អគ្គិភ័យបានឆាបឆេះខ្សែភ្លេីងយ៉ាងសន្ធោសន្ធៅបង្កការភ្ញាក់ផ្អេីលដល់ប្រជាពលរដ្ឋរាយការណ៍ទៅកងប្រតិបត្តិការរុករកនិងសង្រ្គោះគ្រោះមហន្តរាយ ៧១១ ចេញរថយន្តមកធ្វើអន្តរាគមន៍ភ្លាមៗកាលពីវេលាម៉ោង ៨យប់ ថ្ងៃទី ៤ ខែធ្នូ ឆ្នាំ២០២២ នៅភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឱ្យដឹងថា ដោយសារតែខ្សែភ្លេីងនៅទីតាំងខាងលេីត្រូវភ្លៀងត្រូវថ្ងៃរាល់ថ្ងៃធ្វេីឱ្យពុកផុយហើយរហូតមកដល់វេលាកេីតហេតុក៏ឆ្លងចរន្តបង្កជាអណ្តាតភ្លេីងឆាបឆេះយ៉ាងសន្ធោសន្ធៅបង្កការភ្ញាក់ផ្អេីលដល់ប្រជាលរដ្ឋរាយការណ៍ទៅអាជ្ញាធរមានសមត្ថកិច្ចនិងកងប្រតិបត្តិការរុករកនិងសង្រ្គោះគ្រោះមហន្តរាយ៧១១ចុះមកធ្វើអន្តរាគមន៍ភ្លាមៗ។
ក្នុងរង្វង់ប្រតិបត្តិការពន្លត់គ្រោះអគ្គិភ័យខាងលេីនេះកងប្រតិបត្តិការរុករកនិងសង្រ្គោះគ្រោះមហន្តរាយ៧១១ប្រើរយៈពេល១៥នាទីទើបអគ្គិភ័យរលត់ទៅវិញជាស្ថាពរដោយមិនរាលដាលដល់ផ្ទះប្រជាពលរដ្ឋនោះទេ៕
ដោយ៖សុខាសែនជ័យ
