🔴បែកធ្លាយ​រឿង​! ប្រពន្ធ​លោកអនុសេនីយ៍ឯក ធី ប្រសិទ្ធ​ មន្រ្តីកងអន្តរាគមន៍ពិសេសក្រុងភ្នំពេញ​ ដើរយកឈ្មោះលោកស្នងការនគរបាលរាជធានីភ្នំពេញ​ ដើរខ្ចីលុយពីមន្រ្តីៗសរុប​ ជាង៦ម៉ឺនដុល្លារមិនព្រមសងរួចគេចខ្លួនបាត់

ភ្នំពេញ​៖​ យោងតាម​សេចក្តីរាយការណ៍ពីក្រុមជនរងគ្រោះជាច្រេីននាក់​ដែលបានចាញ់បោកប្រាក់លេីស្រ្តីម្នាក់ដែល​ប្រពន្ធ​លោកអនុសេនីយ៍ឯក ធី ប្រសិទ្ធ​ ជាមន្រ្តីកងអន្តរាគមន៍ពិសេស​ នៃស្នងការដ្ឋាននគរបាលរាជធានីភ្នំពេញ​ រងការចោទប្រកាន់​រឿងដើរយកឈ្មោះលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ​ ដើរខ្ចីលុយពីមន្រ្តីៗចំនួនដែលជាមិត្តភ័ក្ដស្គាល់គ្នា​ សរុប​ជាទឹកប្រាក់ ជាង៦ម៉ឺនដុល្លារ​ ហើយ​មិនព្រមសងពួកគេនោះទេ​ បែជាគេចខ្លួនបាត់​រហូតឈានដល់ការបិទទូរស័ព្ទមិនឱ្យទំនាក់ទំនងទៀតផង។ 

សេចក្ដី​រាយការណ៍​ដដែល​ បានបញ្ជាក់ប្រាប់​ភ្នាក់ងារ​សារព័ត៍មាន​កាសែតនគរវត្ត​ និងនគរដ្រេហ្គន​​ នៅព្រឹកថ្ងៃ​ចន្ទ​ទី​១២​ ខែធ្នូ​ ឆ្នាំ​២០២២នេះ​ថា៖​ ស្រ្តីម្នាក់ដែលជាជនឆបោកមានឈ្មោះ ថាច់ សុភី ភេទស្រី​ អាយុ៣៨ មុខរបរលក់បាយនៅក្នុងស្នងការរាជធានីភ្នំពេញ មានស្រុកកំណើតនៅ ឃុំក្រចេះ ស្រុកក្រចេះ ខេត្តក្រចេះ និងប្តីឈ្មោះ ធី ប្រសិទ្ធ អត្តលេខ77224  ជាមន្រ្តីកងអត្តរាគមន៍ពិសេស នៃស្នងការដ្ឋាននគរបាលរាជធានីភ្នំពេញ​ បានដើរយកឈ្មោះលោកឧត្តមសេនីយ៍ឯក ស ថេត ខណៈឱ្យប្រពន្ធខ្លួនដើរខ្ចីលុយពីមន្រ្តីចំនួនដែលជាអ្នកស្គាល់គ្នានៅក្នុងស្នងការដ្ឋានរាជធានីភ្នំពេញ​ ដែលមានទំហំទឹកប្រាក់ជាង៦ម៉ឺនដុល្លារអាមេរិក​ និងជនរងគ្រោះផ្សេងទៀតដែលជាប្រជាពលរដ្ន​សាញ្ញាម​ ហើយ​មិនព្រមសងពួកគេនោះទេ​។ 

ក្រុម​ជនរងគ្រោះ​ទាំងនោះ​ បានប្រាប់​ភ្នាក់ងារ​សារព័ត៍មាន​កាសែតនគរវត្ត​ និងនគរដ្រេហ្គន​បន្តថា​ ​ចុះក្រោយ​ស្រ្តី​ដែលជាជនឆបោកមានឈ្មោះ ថាច់ សុភី រត់គេចខ្លួនបាត់ស្រមោល​ ដោយទុកអោយប្ដីលោកធី ប្រសិទ្ធ ជាអ្នកដោះស្រាយដែរប្តីរបស់គាត់អួតអាំងខ្លួនថា​ មានខ្នងធំហើយគ្មានអ្នកណាហ៊ាជាមួយទេ។

សូមជម្រាបជូនថា​ បច្ចុប្បន្ននេះ​ក្រុមជនរងគ្រោះ​ក៏បាននាំគ្នារៀបចំ​ពាក្យ​បណ្ដឹង​ប្ដឹងទៅ​សមត្ថកិច្ច​ ដើម្បី​ចាត់​ការ​តាម​នីតិវិធី​ច្បាប់​ផងដែរ។ 

គួរបញ្ជាក់ថា​ ជុំវិញករណីខាងលេីនេះ​អង្គភាព​កាសែតនគរវត្ត​ និងនគរដ្រេហ្គន​ នៅព្រឹកថ្ងៃចន្ទ​ទី​១២​ ខែធ្នូ​នេះដែរ​ ក៏បានព្យាយាមទំនាក់ទំនងរកលេខទូរស័ព្ទដេីម្បីសុំការបំភ្លឺពីភាគីស្រ្តីឈ្មោះ ថាច់ សុភី និងប្តីឈ្មោះ ធី ប្រសិទ្ធ អត្តលេខ77224  ជាមន្រ្តីកងអត្តរាគមន៍ពិសេស នៃស្នងការដ្ឋាននគរបាលរាជធានីភ្នំពេញ​ដែរ។ ប៉ុន្តែ​មិនអាចសុំការទំនាក់ទំនងបាននោះទេ​ តែប្រសិនបើ​ភាគីខាងចុងចោទចង់បកស្រាយបំភ្លឺបញ្ហានេះ​អង្គភាព​យេីង​រង់ចាំ​ការបំភ្លឺផងដែរ៕ខាងក្រោមនេះ​ មានសម្លេង​ និងវិដេអូ​របស់ក្រុមជនរងគ្រោះ​ និងភាគីដែលរងការចោទប្រកាន់ថាឆបោក៖

IMG_8443 IMG_8444

ដោយ​៖សហការី​