សារព័ត៌មាន នគរវត្ត តែងតែនាំមុខគេជានិច្ច
ក្លិប Heart of Midlothian បានប្រកាសថា អ្នកចាំទី Craig Gordon សញ្ជាតិស្កុតឡែន នឹងខកខានការប្រកួតដែលនៅសល់នៃរដូវកាលនេះ បន្ទាប់ពីទទួលរងរបួសជើងទាំង២របស់គាត់។
កីឡាករវ័យ៣៩ឆ្នាំរូបនេះបានរងរបួសបន្ទាប់ពីប៉ះទង្គិចជាមួយកីឡាករម្នាក់ទៀតអំឡុងពេលប្រកួតស្មើ ២–២ ជាមួយក្រុម Dundee United នៅថ្ងៃបុណ្យណូអែល។ គាត់ត្រូវបានគេសែងចេញពីទីលាន ហើយបានទទួលការវះកាត់។
របួសនេះមានន័យថា អ្នកចាំទី Gordon នឹងខកខានការប្រកួតបើកឆាក Euro 2024 របស់ស្កុតឡែនជាមួយក្រុមសាយប្រ៊ូស និងអេស្ប៉ាញក្នុងខែមីនាឆ្នាំ២០២៣ខាងមុខ ៕
ដោយ៖ ភារៈ(រូបភាព ៖ CNA)
