សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ ព្រឹកថ្ងៃទី០៥ ខែមករា ឆ្នាំ២០២៣ មានប្រជានេសាទ ឈ្មោះ ឃឹមសារិន ហៅតូ ភេទប្រុស អាយុ៣៩ឆ្នាំ មុខរបនេសាទ រស់នៅបឹងតាព្រហ្ម ស្រុកព្រៃនប់ខេត្តព្រះសីហនុបាននេសាទដោយសត្វអណ្តេីក សមុទ្រ(ល្ល្មិច)១ក្បាលនៅម្តុំកោះដូងខេត្តកំពត។ បន្ទាប់ មកបានធ្វេីការប្រគល់អោយស្នាក់ការកោះពោធិ៍ ដេីម្បីមានវិធានការបន្ត។
ដោយអនុវត្តន៍តាមបញ្ជាដោយផ្ទាល់របស់ ឧត្តមនាវីឯក ទៀ សុខា មេបញ្ជាការរងកងទ័ពជេីងទឹក,មេបញ្ជាការទី បញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិសន្តិសុខលម្ហសមុទ្រ អោយលែងចូលក្នុងសមុទ្រវិញ កំលាំងប្រចាំការស្នាក់ការកោះពោធិ៍ បានសហការជាមួយអង្គការអភិរក្សសមុទ្រកម្ពុជា(MCC) លែងចូលសមុទ្រវិញតាមលក្ខណៈបច្ចេកទេស ក្នុងឱកាសនេះផងដែរក៏មានការចូលរួមពី ឧត្តមសេនីយ៍ត្រី ហ៊ត សីហា មេបញ្ជាការកងរាជអាវុធហត្ថខេត្តកែប។
គួរបញ្ជាក់ថា អណ្តេីកសមុទ្រនេះមានទម្ងន់៤៩ គីឡូ ក្រាម,ប្រវែងបណ្ដោយស្នូក៧៧សង់ទីម៉ែត្រ,ទទឹង៦៨,៥ សង់ទីម៉ែត្រ,ស្លាបឆ្វេង៩៣សង់ទីម៉ែត្រ,ស្លាបស្ដាំ៨៣ សង់ទីម៉ែត្រនិងស្លាកលេខ KH2042 ៕
ដោយ៖ សូរិយា
