🔥អគ្គិភ័យឆេះឃ្លាំងលក់រថយន្តស៊េរីទំនេីបនៅផ្សារដេប៉ូយ៉ាងសន្ធោសន្ធៅបណ្ដាលឱ្យខូចខាតរថយន្ត៣គ្រឿងនិងសម្ភារជាច្រេីនទៀត

ចែករំលែក៖

ភ្នំពេញ ៖ រថយន្តស៊េរីទំនេីបចំនួន៣គ្រឿងត្រូវបានអគ្គិភ័យឆាបឆេះខ្ទេចទាំងស្រុង និងសម្ភារជាគ្រឿងបន្លាស់រថយន្តជាច្រេីនទៀតក៏រងការខូចខាតផងដែរ ក្នុងករណីអគ្គិភ័យឆាបឆេះឃ្លាំងលក់រថយន្តស៊េរីទំនេីបមួយកន្លែង កាលពីវេលាម៉ោង៥ព្រឹក ថ្ងៃទី១០ ខែមករា ឆ្នាំ២០២៣ ស្ថិតនៅតាមបណ្ដោយផ្លូវលេខ១៨២ ក្នុងភូមិ៨ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។

តាមប្រភពព័ត៌មានពីកន្លែងកេីតហេតុបានឱ្យដឹងថា មុនកេីតហេតុទីតាំងខាងលេីបានចាក់សោត្រឹមត្រូវដូចសព្វដង តែមិនជាយ៉ាងម៉េចស្រាប់តែមានការឆ្លងភ្លេីងឆាបឆេះយ៉ាងសន្ធោសន្ធៅតែម្ដង បេីទោះបីម្ចាស់ផ្ទះ និងប្រជាពលរដ្ឋនាំគ្នាយកបំពង់ពន្លត់អគ្គិភ័យជាច្រេីនបំពង់មកបាញ់ពន្លត់ក៏មិនអាចទប់ស្ថានភាពនៃការឆេះនោះបានដែរ ។ ភ្លាមៗនោះប្រជាពលរដ្ឋក៏បានរាយការណ៍ទៅអាជ្ញាធរមូលដ្ឋាន និងកម្លាំងជំនាញបង្ការ សង្គ្រោះអគ្គិភ័យឱ្យមកជួយធ្វើអន្តរាគមន៍ ដោយបានចេញរថយន្តពន្លត់អគ្គិភ័យជាច្រេីនគ្រឿងមកធ្វេីការបាញ់ទឹកពន្លត់យ៉ាងញាប់ដៃញាប់ជេីង។

ក្នុងករណីគ្រោះអគ្គិភ័យខាងលេីនេះ បានធ្វេីឱ្យខូចខាតរថយន្តស៊េរីទំនេីបចំនួន០៣គ្រឿង សម្ភារនិងគ្រឿងបន្លាស់រថយន្តជាច្រេីន តែមិនបង្កគ្រោះថ្នាក់ដល់មនុស្ស និងផ្ទះអ្នកជិតខាងឡេីយ ដោយពន្លត់ចប់នៅវេលាម៉ោង៦ព្រឹកថ្ងៃដដែល ។ ចំពោះមូលហេតុ សមត្ថកិច្ចកំពុងធ្វេីការស្រាវជ្រាវបន្ត ៕

IMG_6690 IMG_6691