សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកូរ៉េមួយគ្រឿងម្ចាស់បេីកបរលឿនចុះពីលេីស្ពានអាកាសចោមចៅហ្វ្រ័ងមិនស៊ីគេចពីម៉ូតូមួយគ្រឿងនៅខាងមុខរេចង្កូតទៅឡេីងសួនច្បារពុះចែកទ្រូងផ្លូវបុកបង្គោលស្លាកសញ្ញាបង្ហាញផ្លូវបាក់អស់មួយដេីមរងការខូចខាត។
ហេតុការណ៍នេះបានកេីតឡេីងកាលពីវេលាម៉ោង១០និង៤០នាទីព្រឹក ថ្ងៃទី១១ ខែមករា ឆ្នាំ២០២៣ នៅចំណុចខាងត្បូងស្ពានអាកាសចោមចៅ តាមបណ្តោយផ្លូវជាតិលេខ៣ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តកូរ៉េដឹកទំនិញមួយគ្រឿងពណ៌ស ពាក់ស្លាកលេខភ្នំពេញ3B 3693 ធ្វេីដំណេីរចុះពីលេីស្ពានអាកាសចោមចៅ ឆ្ពោះទៅផ្លូវជាតិលេខ៣ ក្នុងល្បឿនលឿនខណៈដល់ចំណុចកេីតហេតុក៏មានម៉ូតូមួយគ្រឿងបេីកឆ្លងផ្លូវក៏ចាប់ហ្វ្រ័ងតែមិនស៊ីទេីបទាញចង្កូតគេចជ្រុលឡេីងសួនច្បារពុះចែកទ្រូងផ្លូវបន្តបុកបង្គោលស្លាកសញ្ញាមួយដេីមបាក់រាបដល់ដីរងការខូចខាតតែសំណាងមិនមានមនុស្សរងរបួស។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុយករថយន្តបង្កទៅរក្សាទុករង់ចាំដោះស្រាយពេលក្រោយ ៕
ដោយ៖សុខា សែនជ័យ
