🔴ពូនិងក្មួយស្រីស្លាប់ ក្រោយសង្ស័យរឿងផឹកស្រា.សលាយជាមួយភេសជ្ជៈកូកាកូឡា និងក្រូចឆ្មា បណ្ដាលឱ្យពុល

ចែករំលែក៖

ខេត្តបន្ទាយមានជ័យ៖ ដឹងហេីយលឺហេីយ ហេតុអ្វីពួកគាត់នៅតែបន្តនាំគ្នាផឹកស្រា.សលាយជាមួយភេសជ្ជៈកូកាកូឡា និងក្រូចឆ្មា រហូតគេសង្ស័យថាបណ្ដាលមកពីពុលស្រាស្លាប់ទាំងពូនិងក្មួយស្រី ក្រោយបញ្ជូនទៅសង្រ្គោះនៅមន្ទីរពេទ្យមិត្តភាពកម្ពុជា-ជប៉ុនមង្គលបូរី ។

យោងតាមប្រភពព័ត៌មានពីសេចក្ដីរាយការណ៍របស់ប្រជាពលរដ្ឋ បានឱ្យដឹងថា ជនរងគ្រោះទាំង២នាក់ ត្រូវបានគេស្គាល់ឈ្មោះ ហ៊ាន ប៊ុណ្ណារ៉ាត់ អាយុ៤៧ឆ្នាំ គឺជាគ្រូបង្រៀនសាលាឯកជនមួយនៅភូមិមិត្តភាព សង្កាត់ប៉ោយប៉ែត និងមានទីលំនៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត និងជនរងគ្រោះម្នាក់ទៀត មិនទាន់ស្គាល់អត្តសញ្ញាណ ភេទស្រីរស់នៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត(ត្រូវជាក្មួយ)។

សេចក្ដីរាយការណ៍ដដែលបន្តថា មុនពេលកេីតហេតុជនរងគ្រោះទាំង២នាក់ កាលពីរសៀលថ្ងៃទី៩ ខែមករា ២០២៣កន្លងទៅ ជនរងគ្រោះឈ្មោះ ហ៊ាន ប៊ុណ្ណារ៉ាត់ ត្រូវជាពូបានទៅលេងក្មួយស្រីដល់ផ្ទះ ហើយនាំគ្នាផឹកស្រា.សដែលក្មួយទិញទុកយូរហើយ ដោយលាយជាមួយភេសជ្ជៈកូកាកូឡា និងក្រូចឆ្មា។ ក្រោយទទួលទានស្រា.សនេះ រួចបានប្រហែល ៣ទៅ ៤ម៉ោង ស្រាប់តែជនរងគ្រោះទាំង២មានអាការៈមិនស្រួលខ្លួន។ ភ្លាមនោះក្រុមគ្រួសារសាច់ញាតិក៏បានបញ្ជូនទៅកាន់មន្ទីរពេទ្យបង្អែកក្រុងប៉ោយប៉ែត ដេីម្បីជួយសង្គ្រោះផងដែរ។

ដោយឡែកជុំវិញករណីនេះដែរ លោកវេជ្ជបណ្ឌិត ឪក ទីណា ប្រធានមន្ទីរពេទ្យបង្អែកក្រុងប៉ោយប៉ែត បានឱ្យដឹងតាមទូរស័ព្ទថា កាលពីព្រលប់ថ្ងៃទី៩ ខែមករា ឆ្នាំ២០២៣ ខាងមន្ទីរពេទ្យពិតជាបានទទួលមនុស្សប្រុសស្រី២នាក់ ដែលជាជនរងគ្រោះខាងលើមែន។ ប៉ុន្តែលោកថា ដោយសារជនរងគ្រោះទាំង២នាក់នោះ មានអាការៈធ្ងន់ធ្ងរ ទេីបលោកសម្រេចបញ្ជូនទៅសង្គ្រោះនៅមន្ទីរពេទ្យមិត្តភាពកម្ពុជា-ជប៉ុនមង្គលបូរីតែម្តង។ បច្ចុប្បន្នខាងមន្ទីរសុខាភិបាលខេត្ត បានប្រមូលវត្ថុពាក់ព័ន្ធបញ្ជូនទៅក្រសួង ដើម្បីត្រួតពិនិត្យផងដែរ។

ជាមួយគ្នានោះ ប្រធានមន្ទីរសុខាភិបាលខេត្តបន្ទាយមានជ័យ លោក ឡេ ចន្ទសង្វាត បានឱ្យដឹងដែរថា៖ ករណីខាងលើនេះ យេីងមិនទាន់ដឹងមូលហេតុពិតប្រាកដនៅឡើយទេ ដោយអះអាងថា ពេលនេះក្រុមការងាររបស់មន្ទីរនឹងសមត្ថកិច្ចពាក់ព័ន្ធកំពុងធ្វើការស្រាវជ្រាវនៅឡើយ។

ចំណែកជុំវិញករណីនេះដែរ ខាងសមត្ថកិច្ចក្រុងប៉ោយប៉ែត ក៏បានបដិសេធមិនទាន់ធ្វើអត្ថាធិប្បាយដែរដោយលើកហេតុផលថា ពេលនេះជំនាញពាក់ព័ន្ធមកពីស្នងការដ្ឋាននគរបាលខេត្តនឹងក្រុមគ្រូពេទ្យកំពុងធ្វើការនៅឡើយ។ បច្ចុប្បន្នសពជនរងគ្រោះទាំង២នាក់ ត្រូវបានក្រុមគ្រួសារយកទៅធ្វើបុណ្យនៅលំនៅឋានរៀងៗខ្លួន។

ពាក់ព័ន្ធបញ្ហានេះដែរ ប្រជាពលរដ្ឋជាច្រើនដែលរស់នៅក្បែរកន្លែងកើតហេតុ បានដាក់ការសង្ស័យថា ជនរងគ្រោះទាំង២នាក់អាចស្លាប់ដោយសារពុលស្រា.សច្រើនជាងករណីផ្សេងៗ៕

ដោយ៖សហការី

ចែករំលែក៖

សារព័ត៌មាន នគរវត្ត តែងតែនាំមុខគេជានិច្ច

🔴ពូនិងក្មួយស្រីស្លាប់ ក្រោយសង្ស័យរឿងផឹកស្រា.សលាយជាមួយភេសជ្ជៈកូកាកូឡា និងក្រូចឆ្មា បណ្ដាលឱ្យពុល

រឿងទាក់ទង

សកម្មភាពសម្តេចតេជោ ហ៊ុន សែន អញ្ជើញបំពេញទស្សនកិច្ចផ្លូវការ នៅរដ្ឋធានីហាវ៉ាណា សាធារណរដ្ឋគុយបា

សម្តេចតេជោ ហ៊ុន សែន អញ្ជើញជួបទីប្រឹក្សាពិសេសរបស់អគ្គលេខាធិការ អង្គការសហប្រជាជាតិ

សហរដ្ឋអាមេរិក និងកម្ពុជា នឹងប្រារព្ធខួបលើកទី៧០ នៃទំនាក់ទំនងផ្នែកការទូត

ទស្សនៈវិភាគ៖ «ឥរិយាបថថ្មីរបស់ប្រជាពលរដ្ឋ បង្ហាញពីគុណសម្បត្តិដ៏អស្ចារ្យរបស់មេដឹកនាំកម្ពុជា»

ទស្សនល្ងីល្ងើ÷៤រឿងសើចយំនិងកំហឹងល្បីក្នុងបណ្តាញសង្គមហ្វេសប៊ុកក្នុងសប្តាហ៍នេះ

លិខិតមិត្តអ្នកអាន៖ សូមគាំទ្រ យុទ្ធនាការដោះស្រាយបញ្ហាកកស្ទះសំណុំរឿងនៅតុលាការ

លិខិតមិត្តអ្នកអាន៖ «ខានចូលឆ្នាំម្តងប្រសើរជាងសាកល្បងឆ្លងកូវីដ-១៩!»

ក្រសួងពាណិជ្ជកម្មចិន ថ្លែង ថា ចិននឹង ពន្លឿនការធ្វើ កំណែទម្រង់សមាហរណកម្មពាណិជ្ជកម្មជាតិ និង អន្តជាតិ

បទវិភាគ៖ អ្នកណាទទួលខុសត្រូវលើយុទ្ធសាស្ត្រ “តំបន់ពណ៌ប្រផេះ”?

អុីស្រាអែលប្ដេជ្ញាកម្ចាត់កងកម្លាំង Houthi នៅយេម៉ែន

បាញ់ប្រហារនៅព្រលានយន្តហោះអន្តរជាតិអាមេរិក

ករណីគ្រោះថ្នាក់យន្តហោះ នៅក្នុងឆ្នាំ ២០២៤

វីឡាទោលប្រណិត ១៥មុឺនដុល្លា ក្នុងតំបន់៦អា

វីឡាទោលប្រណិត ១៥មុឺនដុល្លារ ក្នុងតំបន់៦អា

ក្រុមហ៊ុនអាម៉ូរី ប្រកាសបើកសម្ពោធដំណើរការគម្រោងអាម៉ូរីសែនសុខ

ការចុះអនុស្សរណៈក្នុងការបើកលក់អគារខុនដូCEO Business Residence ក្នុងទីផ្សារកម្ពុជា

គម្រោងបុរី Chankiri Palm Creek ជាគំរូនៃការរចនាផ្ទះប្រកបដោយការ “គិតគូរពីតម្រូវការអ្នករស់នៅជាចម្បង”