សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ លោកវរសេនីយ៍ឯក សុខ សារិន អធិការនគរបាលស្រុកបវេល បានដឹកនាំកម្លាំងផ្នែកជំនាញ ប្រឆាំងគ្រឿងញៀនរួមជាមួយកម្លាំងអន្តរាគមន៍ នៃអធិការដ្ឋាននគរបាលស្រុកធ្វើការបង្រ្កាប ករណីរក្សាទុកដោយខុសច្បាប់នូវសារធាតុញៀនមួយករណី ដោយឃាត់ខ្លួនជនសង្ស័យម្នាក់ក្នុងបទល្មេីសជាក់ស្តែង។
នេះបេីយោងតាមប្រភពព័ត៌មានពីរបាយការណ៍របស់ស្នងការដ្ឋាននគរបាលខេត្តបាត់ដំបង បានឱ្យដឹងនៅរសៀលថ្ងៃសុក្រទី១៣ ខែមករា ឆ្នាំ២០២៣។
ករណីឃាត់ខ្លួនជនសង្ស័យខាងលេីនេះ បានធ្វេីឡេីងកាលពីព្រលប់ថ្ងៃទី១២ខែ មករា ឆ្នាំ២០២៣ វេលាម៉ោង ១៨និង៤០នាទី នៅចំណុច ភូមិតាគត់ ឃុំក្តុលតាហែន ស្រុកបវេល ខេត្តបាត់ដំបង។
ជនសង្ស័យឈ្មោះ រ័ត្ន ឈួយ ភេទប្រុស អាយុ ៥៧ឆ្នាំ ជនជាតិខ្មែរ រស់នៅភូមិតាគត់ ឃុំក្តុលតាហែន ស្រុកបវេល ខេត្តបាត់ដំបង។
-ចាប់យកសម្ភារៈនិងវត្ថុតាង រួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិចថ្លាចំនួន ១២ថង់ សង្ស័យមានសារធាតុញៀន។
-ទូរស័ព្ទដៃចំនួន ០១គ្រឿង។
ករណីនេះទាំងវត្ថុតាងនិងជនសង្ស័យនគរបាលស្រុកបានកសាងសំណុំរឿងបញ្ជូនមកការិយាល័យជំនាញអនុវត្តបន្តតាមនីតិវិធីច្បាប់៕
ដោយ៖ អរុណរះ
