សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តស៊េរីទំនើបម៉ាក ALPHARD មួយគ្រឿងបានធ្វេីដំណេីរយ៉ាងលឿនជ្រុលទៅបុករថយន្តពីរគ្រឿងបន្តកន្ទុយគ្នា ខណៈកំពុងឈប់ស្តុបពេញទំហឹង បណ្ដាលឱ្យរងការខូចខាតរថយន្តទាំងបីគ្រឿងយ៉ាងដំណំ ព្រមទាំងធ្វេីឱ្យស្ត្រីវ័យចំណាស់ម្នាក់រងរបួសបាក់ក្ដោងច្រមុះបញ្ជូនទៅសង្គ្រោះភ្លាមៗ កាលពីវេលាម៉ោង១០ និង១០នាទីយប់ថ្ងៃសុក្រ ទី១៣ ខែមករា ឆ្នាំ២០២៣ ស្ថិតនៅតាមបណ្ដោយផ្លូវម៉ៅសេទុង ត្រង់ចំណុចស្តុបស្ពានអាកាស៥មករា ក្នុងសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។
បេីតាមប្រភពពីម្ចាស់រថយន្តម៉ាកTS EVG ពណ៌ស ពាក់ផ្លាកលេខភ្នំពេញ2BT-1861 បានប្រាប់ថា គាត់បានធ្វើដំណេីរតាមបណ្ដោយផ្លូវម៉ៅសេទុង ទិសដៅពីត្បូងទៅជើងខណៈមកដល់ចំណុចកើតហេតុខាងលើបានឈប់ស្តុបក្រហម និងមានរថយន្តស៊េរីទំនើបមួយគ្រឿងទៀតម៉ាក ម៉ាស្ដា BT-50 ពណ៌ស ពាក់ផ្លាកលេខភ្នំពេញ2BM-1224បើកដោយបុរសវ័យចំណាស់ម្នាក់រួមដំណើរនិងប្រពន្ធស្របមកពីក្រោយបានឈប់ស្តុបដូចគ្នារង់ចាំភ្លើងខៀវនិងបត់ឆ្វេង ។ ខណៈពេលនោះក៏មានរថយន្តស៊េរីទំនើបមួយគ្រឿងម៉ាក ALPHARD ពណ៌ខ្មៅ ពាក់ផ្លាកលេខភ្នំពេញ2BA -2222 ធ្វើដំណើរមកពីក្រោយស្របគ្នាយ៉ាងលឿន និងខ្វះការប្រុងប្រយ័ត្នជ្រុលមកបុកចំពីក្រោយរថយន្តម៉ាស្ដា BT-50ពេញទំហឹងនិងរុញបន្តទៅបុករថយន្តមួយគ្រឿងទៀតនៅខាងមុខ បណ្ដាលឱ្យរងការខូចខាតទាំងបីគ្រឿង ដោយរថយន្តបង្កខូចខាតខ្លាំងជាងគេមួយកំណាត់មុខស្ទើរទាំងស្រុងព្រមទាំងធ្វេីឱ្យស្ត្រីវ័យចំណាស់ម្នាក់ដែលរួមដំណើរជាមួយប្ដីរងរបួសបាក់ក្ដោងច្រមុះត្រូវបានរថយន្តសាមុយដឹកយកទៅសង្គ្រោះភ្លាមៗ។
ក្រោយកើតហេតុ កម្លាំងសមត្ថកិច្ចមូលដ្ឋានខណ្ឌទួលគោក សហការជាមួយកម្លាំងសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វេីការវាស់វែងយករថយន្តទាំងបីគ្រឿងទៅរក្សាទុករង់ចាំដោះស្រាយគ្នានៅពេលក្រោយ ៕
IMG_7900 IMG_7901 IMG_7897 IMG_7902
ដោយ ៖ ភារ៉ា ដង្កោ
