សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តស្តារិច មួយគ្រឿងដែលបិទឡូហ្គោ បុរី ឡេង ណាវ៉ាត្រា បានពន្លះរបាំងថ្មពុះចែកទ្រូងផ្លូវពេញទំហឹង បណ្ដាលឱ្យរបាំងថ្មបាក់អស់មួយកង់ រីឯរថយន្តបង្កបានខូចខាតផ្នែកខាងមុខយ៉ាងដំណំ ។
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១២ និង១០នាទីរំលងអធ្រាត្រ ឈានចូលថ្ងៃសៅរ៍ ទី១៤ ខែមករា ឆ្នាំ២០២៣ នៅតាមបណ្ដោយផ្លូវព្រះមុន្នីវង្ស កែងផ្លូវ១៨២ ក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា ដំបូងគេឃេីញរថយន្តម៉ាក ស្តារិច ពណ៌ទឹកប្រាក់ ពាក់ផ្លាកលេខ កំពត 2B-5859 និងបិទឡូហ្គោ បុរី ឡេង ណាវ៉ាត្រា បានធ្វេីដំណេីរតាមបណ្ដោយផ្លូវព្រះមុន្នីវង្ស ទិសដៅពីត្បូងមកជេីងក្នុងល្បឿនលឿន ខណៈមកដល់ចំណុចកេីតហេតុស្រាប់តែរេចង្កូតបុករបាំងថ្មពុះចែកទ្រូងផ្លូវពេញទំហឹង បណ្ដាលឱ្យរថយន្តបង្កខ្ទេចចំហៀងខាងមុខទៅមុខលែងរួច ចំណែករបាំងថ្មបានបាក់អស់មួយកង់ខ្ទាតមកកណ្ដាលផ្លូវម្ខាងទៀត សំណាងដែរមិនបង្កគ្រោះថ្នាក់ដល់មនុស្ស ។
ក្រោយកេីតហេតុ សមត្ថកិច្ចមូលដ្ឋានសហការជាមួយជំនាញចរាចរណ៍ចុះមកធ្វេីការវាស់វែងស្ទួចយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយតាមច្បាប់នាពេលក្រោយ ៕
ដោយ ៖ ភារ៉ា ដង្កោ
