សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល ៖ មានស្រ្តីម្នាក់ ចិត្តដាច់ម្ល៉េះ នាងជាជាងអ៊ុតសក់ ហ៊ានជួលឃាតក ក្នុងតម្លៃ ១,០០០ដុល្លារដើម្បីសម្លាប់ប្ដីខ្លួនឯងចោលដោយគ្មានញញើតបាបកម្ម នរកប្រេតឡើយ ។
សូមបញ្ជាក់ថា បើតាមចម្លេីយប្រពន្ធ ជនរងគ្រោះ ឈ្មោះ សាន់ ធីតា អាយុ៣១ ឆ្នាំ ជនជាតិខ្មែរ បានសារភាពថា ខ្លួននិងឈ្មោះ វី ភេទប្រុស អាយុជិត៤០ឆ្នាំ ជនជាតិខ្មែរ មខរបរជាងសំណង់ ជាអ្នកសម្លាប់ប្តីរបស់ខ្លួន ដោយធ្វេីការឆក់ និងរឹតក។
រហូតដល់វេលាថ្ងៃត្រង់ទី១៥ ខែមករា ឆ្នាំ២០២៣ កម្លាំងនាយកដ្ឋាននគរបាល ព្រហ្មទណ្ឌបានចាប់ខ្លួនជនដៃដល់ឈ្មោះ វី ដែលស៉ីឈ្នួលសម្លាប់ជនរងគ្រោះក្នុងតម្លៃ ១០០០ដុល្លារ ហើយយកសពទៅប្លុងចោលក្នុងប្រឡាយនៅចំណុចភូមិព្រែកដូង ឃ៉ំកំពង់ស្វាយ ស្រុកកៀនស្វាយ ខេត្តកណ្តាល។
សាកសពឈ្មោះ ខឹម ផល្លី ភេទប្រុស អាយុ ៣៣ឆ្នាំ ជនជាតិខ្មែរ មានស្រុកកំណេីតនៅភូមិថ្លុកដង្កោ ឃុំផ្ទះរុង ស្រុកភ្នំក្រវាញ ខេត្តពោធិ៍សាត់ ទីលំនៅបច្ចុប្បន្ន សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ៕
ដោយ ៖ សហការី
