សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អង្គភាពប្រឆាំងអំពើពុករលួយ (ACU) បានបន្តសេចក្តីជូនដំណឹង ស្តីពីលទ្ធផលនៃការទទួលឯកសារប្រកាសទ្រព្យសម្បត្តិ និងបំណុលតាមរបប០២ឆាំ្ន សម្រាប់ឆ្នាំ២០២៣ ដោយបានគូសបញ្ជាក់ថា នាយកដ្ឋានប្រកាសទ្រព្យសម្បត្តិ និងបំណុល កាលពីថ្ងៃទី១៧ ខែមករា ឆ្នាំ២០២៣ម្សិលមិញនេះ បានទទួលឯកសារប្រកាស ទ្រព្យសម្បត្តិ និងបំណុល សរុបចំនួន ៣១០ច្បាប់ទៀត។
យោងតាមសេចក្តីជូនដំណឹងដែលទេីបទទួលបាននៅថ្ងៃពុធទី១៨ ខែមករា ឆ្នាំ២០២៣នេះ បានបញ្ជាក់បន្ថែមថា គិតត្រឹមថ្ងៃទី១៧ ខែមករាម្សិលមិញ នាយកដ្ឋានប្រកាសទ្រព្យសម្បត្តិ និងបំណុល បានទទួលឯកសារប្រកាសទ្រព្យសម្បត្តិ និងបំណុល សរុបចំនួន ២០,៨៥៧ច្បាប់។
គួរបញ្ជាក់ថា គិតចាប់ពីថ្ងៃទី០១ រហូតដល់ថ្ងៃទី៣១ ខែមករា ឆ្នាំ២០២៣ ក្រុមការងារនៃនាយកដ្ឋានប្រកាសទ្រព្យសម្បត្តិ និងបំណុល រង់ចាំទទួលឯកសារប្រកាសរយៈពេលចំនួន ០៧ថ្ងៃក្នុងមួយសប្ដាហ៍ ដោយមិនឈប់សម្រាកថ្ងៃសៅរ៍ ថ្ងៃអាទិត្យ និងថ្ងៃបុណ្យឡើយ ពីម៉ោង០៨៖០០ព្រឹក ដល់ម៉ោង០៥៖០០ល្ងាច៕
ដោយ៖សហការី
