ព័ត៌មានទាន់ហេតុការណ៍៖

របាំងថ្មពុះចែកទ្រូងផ្លូវត្រូវបានរថយន្តព្រូសស្ទុះទៅត្របាក់ធ្វើឱ្យខូចខាតអស់មួយកង់ហើយអូសជាច្រើនម៉ែត្រ រីឯរថយន្តខ្ទេចមួយចំហៀងខាងមុខ​

ចែករំលែក៖

ភ្នំពេញ​ ៖​ របាំងថ្មពុះចែកទ្រូងផ្លូវមួយកង់នៅជាប់ផ្លូវលេខ៥៩៨ កែងនឹងផ្លូវ លលេខ៣១៧ ស្ថិតនៅខាងជើងភ្លើងស្តុបត្រឡោកបែក​ ត្រូវរថយន្តម៉ាកToyota Priusមួយគ្រឿងបេីកបុក​និងអូសជាច្រេីនម៉ែត្រ កាលពីវេលាម៉ោង៣និង២០ នាទីទៀបភ្លឺ ថ្ងៃទី ០៣ ខែកុម្ភៈឆ្នាំ ២០២៣​ ។ 

​    បេីតាមប្រភពព័ត៌មានពីកន្លែងកើតហេតុបានឱ្យដឹងថា មុនកើតហេតុគេ​ ឃើញរថយន្ត​ម៉ាក​ Toyota Prius មួយគ្រឿង ពណ៌ទឹកមាស​ ពាក់ផ្លាកលេខភ្នំពេញ2BF-8032ធ្វើដំណើរតាមបណ្ដោយផ្លូវលេខ៥៩៨ ក្នុងទិសដៅពីត្បូងទៅជើង ។ លុះមកដល់ចំណុចកែងនឹងផ្លូវលេខ៣១៧ចំណុចកើតហេតុខាងលើ បានគេចពីម៉ូតូដែលជិះឆ្លងផ្លូវ ក៏បានរេចង្កូតមកឆ្វេងដៃជ្រុលទៅបុករបាំងថ្មពុះចែកទ្រូងផ្លូវមួយកង់ពេញទំហឹង​ និងអូសរបាំងថ្មតាមរថយន្តជាច្រើនម៉ែត្រ រីឯរថយន្តបង្កខ្ទេចមួយចំហៀងខាងមុខ​ ។ 

​     ក្រោយកេីតហេតុ​ សមត្ថកិច្ចមូលដ្ឋានបានចុះមកដល់​ និងបានទំនាក់ទំនងទៅសមត្ថកិច្ចជំនាញមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក​នៃស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយគ្នាតាមក្រោយ​ ៕​

ដោយ​ ៖​ ភារ៉ា​ ដង្កោ


ចែករំលែក៖